പൊതുപണിമുടക്ക്: തിരുവനന്തപുരത്ത് SBI ട്രഷറി ബ്രാഞ്ച് എട്ട് അംഗ സംഘം ആക്രമിച്ചു

തിരുവനന്തപുരം: സെക്രട്ടറിയേറ്റിന് സമീപത്തെ എസ്ബിഐ ട്രഷറി ബ്രാഞ്ചിനുനേരെ സമരാനുകൂലികളുടെ ആക്രമണം. മാനേജരുടെ ക്യാബിനും കമ്പ്യൂട്ടറും അടിച്ചു തകർത്തു. സ്റ്റാച്യൂവിനടുത്ത് സംയുക്തസമരസമിതിയുടെ പന്തലിന് തൊട്ടടുത്തുള്ള ബ്രാഞ്ചിന് നേരെയാണ് ആക്രമണമുണ്ടായത്. രാവിലെ പത്തേകാലോടെയാണ് പതിനഞ്ചോളം പേര്‍ ഉള്‍പ്പെടുന്ന സംഘം എസ്ബിഐയുടെ ട്രഷറി ശാഖയിലേക്കു കടന്നുവന്നത്. മാനേജരുടെ മുറിയില്‍ എത്തിയ സംഘം ക്യാബിന്‍ അടിച്ചു തകര്‍ത്തു. മേശയും കംപ്യൂട്ടറും നശിപ്പിച്ചു. ശാഖ അടയ്ക്കാം എന്ന് മാനേജര്‍ പറഞ്ഞെങ്കിലും പ്രതിഷേധക്കാര്‍ വകവച്ചില്ല.