ഭരണഘടനാ ലക്ഷ്യങ്ങളെ അട്ടിമറിക്കാൻ എല്ലാവരും ഒറ്റക്കെട്ട്; സാമ്പത്തിക സംവരണത്തിനെതിരെ വി.ടി. ബൽറാം

പാലക്കാട്: സാമ്പത്തിക സംവരണ ബില്ലിനെതിരെ വിമർശനവുമായി വി.ടി. ബൽറാം എംഎൽഎ. ഭരണഘടനാ ലക്ഷ്യങ്ങളെ അട്ടിമറിക്കാൻ എല്ലാവരും ഒറ്റക്കെട്ടായെന്നും തൊലിപ്പുറത്തുള്ള നവോത്ഥാനവും നാട്യങ്ങളും മാത്രമേ നമുക്കുള്ളൂവെന്നും വി ടി ബൽറാം ഫേസ്ബുക്കിൽ കുറിച്ചു. അധസ്ഥിതരുടെ അധികാര പങ്കാളിത്തം എന്ന ജനാധിപത്യ ഉത്തരവാദിത്തത്തിന് പകരം സവർണരുടെ നഷ്ടപ്രതാപത്തേക്കുറിച്ചുള്ള പരിദേവനങ്ങളിൽ എല്ലാവർക്കും ഒരേ ശബ്ദമാണെന്നും ബൽറാം കുറിച്ചു.