'ബിഷപ്പിനെ വെറുതെ വിട്ടപ്പോൾ കോടതിയെ  വിമർശിച്ചവരൊക്കെ തടിയന്റവിട നസീറിനെ വെറുതെ വിട്ടപ്പോൾ എന്താണ് മിണ്ടാത്തത്?'

കോട്ടയം: കന്യാസ്ത്രീയെ ലൈംഗികമായി പീഡിപ്പിച്ചെന്ന കേസിൽ (Nun Rape case)  ബിഷപ്പ് ഫ്രാങ്കോ മുളയ്ക്കലിനെ (Bishop Franco Mulakkal) വെറുതെ വിട്ടുകൊണ്ട് രണ്ടാഴ്ച മുമ്പാണ് കോട്ടയം ജില്ലാ അഡീഷണൽ സെഷൻസ് ജഡ്ജ് ജി ഗോപകുമാർ വിധി പുറപ്പെടുവിച്ചത്. ഈ വിധി ചൂണ്ടിക്കാണിച്ചുകൊണ്ടാണ് കത്തോലിക്കാസഭയിലെ ഒരു ബിഷപ്പ് തീവ്രവാദ കേസിനെ താരതമ്യം ചെയ്തത്. ബിഷപ്പ് ഫ്രാങ്കോ മുളയ്ക്കലിനെ വെറുതെ വിട്ടുകൊണ്ട് കോട്ടയം ജില്ലാ അഡീഷണൽ സെഷൻസ് കോടതി വിധി പുറത്തിറക്കിയപ്പോൾ വലിയ രീതിയിലുള്ള വിമർശനമാണ് ഉയർന്നത് എന്ന്  സീറോ മലബാർ സഭയ്ക്ക് കീഴിലെ ചെങ്ങനാശ്ശേരി അതിരൂപത സഹായമെത്രാൻ തോമസ് തറയിൽ പറയുന്നു. ഫേസ്ബുക്കിലൂടെയാണ് ചങ്ങനാശ്ശേരി സഹായമെത്രാൻ  നിലപാട് വ്യക്തമാക്കി രംഗത്ത് വന്നത്.