'പദ്ധതികൾ പ്രഖ്യാപിച്ചിട്ട് കാര്യമില്ല'; കേന്ദ്രപദ്ധതികൾ കേരളം നടപ്പിലാക്കുന്നില്ലെന്ന് രാജീവ് ചന്ദ്രശേഖർ

കേരളത്തിനായി പദ്ധതികൾ പ്രഖ്യാപിച്ചിട്ട് കാര്യമില്ലെന്നും കേന്ദ്രം പ്രഖ്യാപിച്ച പദ്ധതികൾ വർഷങ്ങളായി കേരളം നടപ്പിലാക്കുന്നില്ലെന്നും ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ കുറ്റപ്പെടുത്തി. പദ്ധതികൾ ശരിയായ രീതിയിൽ നടപ്പിലാക്കണമെങ്കിൽ കേരളത്തിൽ എൻഡിഎ സർക്കാർ അധികാരത്തിൽ വരണമെന്നും കേന്ദ്ര ബജറ്റിൽ കേരളത്തിന് പദ്ധതികളില്ലെന്നത് തെറ്റായ പ്രചാരണമാണെന്നും അദ്ദേഹം പറഞ്ഞു. ഇതുവരെ കേന്ദ്രം അനുവദിച്ച പദ്ധതികൾ സംസ്ഥാന സർക്കാർ നടപ്പാക്കാത്തത് എന്തുകൊണ്ടാണെന്നും അദ്ദേഹം ചോദിച്ചു.