ആചാരലംഘനത്തിന് മുൻപ് കുടുങ്ങിയവരിൽ യേശുദാസും

ചൊവ്വാഴ്ച ആർ.എസ്.എസ് പ്രാന്തീയ കാര്യകാരി സദസൻ വത്സൻ തില്ലങ്കേരിയും ദേവസ്വം ബോർഡ് അംഗം കെ.പി ശങ്കരദാസും ഇരുമുടിക്കെട്ടില്ലാതെ നടകയറിയെന്നാണ് ആരോപണം ഉയർന്നത്. ആദ്യം വത്സൻ തില്ലങ്കേരിക്കെതിരെയാണ് ആരോപണം ഉയർന്നത്. ഇരുമുടിക്കെട്ടില്ലാതെ വത്സൻ തില്ലങ്കേരി പതിനെട്ടാം പടിയിൽ നിൽക്കുന്ന ചിത്രങ്ങൾ സോഷ്യൽ മീഡിയയിൽ പ്രചരിക്കുകയായിരുന്നു. ഇതിന് പിന്നാലെ ആർ.എസ്.എസ് നേതാവ് ആചാരലംഘനം നടത്തിയെന്ന ആരോപണം അന്വേഷിക്കുമെന്ന് ദേവസ്വം ബോർഡ് അംഗം കെ.പി ശങ്കരദാസ് വ്യക്തമാക്കി. ഇതിന് പിന്നാലെയാണ് ശങ്കരദാസും വിവാദത്തിൽപ്പെട്ടത്. ഇരുമുടിക്കെട്ടില്ലാതെ മേൽശാന്തിക്കൊപ്പം നട കയറുന്ന ചിത്രങ്ങളും മാധ്യമങ്ങൾ പുറത്തുവിട്ടു.