‘പിണറായി വിജയന്‍ ലെജന്‍ഡ്’; സ്വാഗത പ്രസംഗത്തിലെ പുകഴ്ത്തലിൽ അസ്വസ്ഥനായി മുഖ്യമന്ത്രി

'മുഖ്യമന്ത്രി കേരളത്തിന്റെ വരദാനം’, ‘പിണറായി വിജയന്‍ ലെജന്‍ഡ്' എന്നായിരുന്നു പ്രസംഗകന്റെ പുകഴ്തൽ. എന്നാൽ ഇതിൽ മുഖ്യമന്ത്രി അസ്വസ്ഥനാണെന്ന് അദ്ദേഹത്തിന്റെ ശരീരരഭാഷയിൽ നിന്ന് തിരിച്ചറിഞ്ഞ സംഘാടകർ പ്രസംഗം ചുരുക്കാൻ സ്വാഗത പ്രസംഗകനോട് പേപ്പറില്‍ എഴുതി നൽകി ആവശ്യപ്പെടുകയായിരുന്നു.

തുടർന്ന് കൂടുതല്‍ സംസാരിച്ചാല്‍ മുഖ്യമന്ത്രിക്ക് ദേഷ്യം വരുമെന്നും അദ്ദേഹത്തെ തനിക്ക് പേടിയാണെന്നും പറഞ്ഞ് ബാലഗോപാല്‍ പ്രസംഗം അവസാനിപ്പിച്ചു. പ്രംസംഗം കഴഞ്ഞ് സീറ്റിലേക്ക് മടങ്ങിയ ബാലഗോപാലിനോട് മൂന്നു മിനിറ്റ് മാത്രമാണല്ലോ പ്രസംഗിച്ചതെന്നും മുഖ്യമന്ത്രി ചിരിച്ചു കൊണ്ട് ചോദിച്ചു.കേരളത്തിലെ ഗ്രന്ഥശാല പ്രസ്ഥാനങ്ങള്‍ ലോകത്തിനു തന്നെ മാതൃകയാണെന്ന് മുഖ്യമന്ത്രി പ്രസംഗത്തിൽ പറഞ്ഞു.