രമേശ്‌ പിഷാരടി സ്ഥാനാർത്ഥിയായാൽ വിജയം ഉറപ്പെന്ന് ധർമജൻ ബോൾഗാട്ടി

തന്റെ പേര് പല മണ്ഡലങ്ങളിലും പറയുന്നു. ഇത് താൻ അറിഞ്ഞിട്ടില്ല. ബാലുശേരിയിൽ മത്സരിക്കാമെന്നു അങ്ങോട്ട് പോയി പറഞ്ഞിട്ടില്ല. പാർട്ടി പറഞ്ഞാൽ എവിടെയും മത്സരിക്കുമെന്നും ധർമ്മജൻ വ്യക്തമാക്കി. വൈപ്പിൻ മണ്ഡലത്തിലും തന്റെ പേര് പറഞ്ഞു കേൾക്കുന്നുണ്ട്. വളരെ നന്നായി അറിയുന്ന പ്രദേശമാണിത്. പേര് പരിഗണിക്കുന്നുവെന്ന് കേൾക്കുമ്പോൾ സന്തോഷം ഉണ്ട്. കാരണം താൻ എന്നും കോൺഗ്രസുകാരൻ തന്നെയാണ്.

രാജ്യത്ത് ഏറ്റവും കൂടുതൽ വികസനം കൊണ്ടു വന്നത് കോൺഗ്രസ്സാണ്. ഇത് എല്ലാവർക്കും അറിയാം. അതുകൊണ്ട് തന്നെ കോൺഗ്രസ് തിരിച്ചു വരേണ്ടത് ആവശ്യവുമാണ് കേരളത്തിൽ ഉടൻ അത് ഉണ്ടാകും. ഗ്രൂപ്പുകളി അപകടമാണെന്ന് കോൺഗ്രസ്‌ തിരിച്ചറിഞ്ഞു കഴിഞ്ഞു. തെറ്റുകൾ തിരുത്തി മുന്നോട്ടു പോകുന്ന പാർട്ടിക്ക് കൂടുതൽ ശക്തി ജനങ്ങളിൽ നേടിയെടുക്കാൻ കഴിയുന്നുണ്ട്.