'ആജീവനാന്ത കാലത്തേക്കല്ല കോൺഗ്രസിൽ ചേർന്നത്'; നിലപാട് കടുപ്പിച്ച് തരൂർ

ന്യൂഡൽഹി: മോദി അനുകൂല പ്രസ്താവനയിൽ കെ.പി.സി.സിക്ക് വിശദീകരണം നൽകിയതിനു പിന്നാലെ നിലപാട് ആവർത്തിച്ച് ശശി തരൂർ എം,പി. ആജീവനാന്തകാലത്തേക്കല്ല കോണ്‍ഗ്രസിൽ ചേർന്നതെന്നാണ്   തരൂര്‍ ഇപ്പോൾ തുറന്നടിച്ചിരിക്കുന്നത്. ഇന്ത്യയെ അഭിവൃദ്ധിയിലേക്കും പുരോഗതിയിലേക്കും നയിക്കുന്നതിനുള്ള  ആശയങ്ങളുമായി മുന്നോട്ടു പോകുന്നതിന് ഏറ്റവും നല്ല മാര്‍ഗമെന്ന നിലയിലാണ് ഈ പാർട്ടിയിൽ ചേർന്നത്. വോട്ടിനും സീറ്റിനും വേണ്ടി ആ ആശയങ്ങൾ ഉപേക്ഷിക്കാനാകില്ലെന്നും തരൂർ വ്യക്തമാക്കി.