ഡിഎംഒയ്ക്ക് പോലും വായിക്കാൻ പറ്റാതെ ഡോക്ടറുടെ കുറിപ്പടി; വിശദീകരണം തേടി

കൊല്ലം: ഡോക്ടര്‍മാർ മരുന്ന് കുറിച്ച് നൽകുന്ന രീതി പലപ്പോഴും വിമർശനങ്ങൾക്കും ട്രോളുകൾക്കും വഴി വച്ചിട്ടുണ്ട്. ആർക്കും വായിക്കാൻ പറ്റാത്ത തരത്തില്‍ കുത്തിക്കുറിച്ച് നൽകുന്ന കുറിപ്പടികൾ മുമ്പും പലപ്പോഴും ചർച്ചയായിട്ടുണ്ട്. ഇതിന്‍റെ പശ്ചാത്തലത്തിൽ മരുന്ന് കുറിപ്പടികൾ വലിയ അക്ഷരത്തിലും വ്യക്തതയിലും വേണമെന്ന് നിർദേശങ്ങളും ഉത്തരവുകളും എത്തിയിട്ടുണ്ട്. എന്നിട്ടും ഇതേ രീതി തന്നെയാണ് പല ഡോക്ടർമാരും പിന്തുടരുന്നതെന്ന് തെളിയിക്കുന്ന പുതിയ സംഭവമാണ് കൊല്ലത്തു നിന്നും റിപ്പോർട്ട് ചെയ്യപ്പെട്ടിരിക്കുന്നത്.