ആദ്യം മധുരിക്കും! കന്നി വോട്ട് ചെയ്യുന്നവർക്ക് ഹൽവ നൽകാൻ തിരഞ്ഞെടുപ്പ് കമ്മിഷൻ തീരുമാനം

ഈ പദ്ധതിയുടെ ഭാഗമായി ഓരോ ജില്ലാ തിരഞ്ഞെടുപ്പ് ഓഫിസർമാർക്കും പ്രമുഖ ബ്രാൻഡുകളുടെ ഇരുനൂറോളം ഹൽവ പാക്കറ്റുകൾ വീതം വിതരണത്തിനായി നൽകും. ജില്ലയിലെ ഏത് ബൂത്തുകളിലാണ് ഹൽവ വിതരണം ചെയ്യേണ്ടതെന്ന് അതത് ജില്ലാ ഓഫിസർമാർക്ക് തീരുമാനിക്കാവുന്നതാണ്. വോട്ട് ചെയ്യാനെത്തുന്നത് കന്നി വോട്ടർമാരാണെന്ന് രേഖകൾ പരിശോധിച്ച് ഉറപ്പുവരുത്തിയ ശേഷമായിരിക്കും ബൂത്ത് ലെവൽ ഓഫിസർമാർ മധുരം കൈമാറുക. ഇതിന്റെ പ്രചാരണത്തിനായി വിതരണത്തിന്റെ ദൃശ്യങ്ങളും ചിത്രങ്ങളും പകർത്തണമെന്നും തിരഞ്ഞെടുപ്പ് ഓഫിസർ പ്രത്യേകം നിർദ്ദേശിച്ചിട്ടുണ്ട്.