EMCCയുടെ ഇന്ത്യൻ ഓഫീസ് അങ്കമാലി കവലയിലെ തുറക്കാത്ത 2 പീടിക മുറികൾ; കോടികളുടെ കരാറിനെതിരെ മത്സ്യത്തൊഴികൾ

കൊച്ചി: 5000 കോടിയോളം രൂപയുടെ പദ്ധതി എന്ന് പ്രതിപക്ഷ നേതാവ് രമേശ് ചെന്നിത്തല ആരോപിച്ച വിവാദ കരാർ നേടിയ ഇ എം സി സി ഇന്റർനാഷണലിന്റെ ഇന്ത്യയിലെ ഏക ഓഫീസ് എറണാകുളത്താണ്. അമേരിക്കയിലെ ന്യൂയോർക്കിൽ മറ്റൊന്ന്. എറണാകുളത്തുള്ള ഓഫീസ് അത്ര പെട്ടെന്നൊന്നും കണ്ടുപിടിക്കാൻ ആകില്ല. അങ്കമാലിയിലെ മാർക്കറ്റിനോട് ചേർന്നാണ് സഹസ്ഥാപനം ആയി വിശേഷിപ്പിക്കപ്പെടുന്ന ഇ എം ഇ ഇന്റർനാഷണൽ ഇന്ത്യ പ്രൈവറ്റ് ലിമിറ്റഡ് പ്രവർത്തിക്കുന്നത്. ഇവിടെ ചെന്നാൽ നമുക്ക് കാണാൻ കഴിയുന്നത് കച്ചവടസ്ഥാപനങ്ങൾക്കിടയിൽ പൂട്ടിയിട്ട 2 ഷട്ടറും ഒരു ചെറിയ ബോർഡുമാണ്. ഇവിടെ എന്ത് സ്ഥാപനമാണ് പ്രവർത്തിക്കുന്നതെന്ന് പോലും ആർക്കും അറിയില്ല. വളരെ വിരളമായി മാത്രമാണ് ഇത് തുറക്കുന്നത്. ജീവനക്കാരെയും ആർക്കും പരിചയവുമില്ല. എപ്പോഴെങ്കിലും വന്നു തുറന്നു പോകും. മാധ്യമ പ്രവർത്തകർ സ്ഥാപനം അന്വേഷിച്ചു ചെല്ലുമ്പോൾ മാത്രമാണ് കോടിക്കണക്കിന് രൂപയുടെ കരാർ നേടിയ സ്ഥാപനം മാർക്കറ്റിനകത്ത് പ്രവർത്തിക്കുന്നത് പരിസരത്തുള്ളവർ അറിയുന്നത്.