നിങ്ങളുടെ നഗരം തിരഞ്ഞെടുക്കുക

    LIVE -ശബരിമല നട അടച്ചു; ഇന്ന് മലകയറാനെത്തിയത് അഞ്ച് യുവതികൾ

  • | October 22, 2018, 21:40 IST
    facebookTwitterLinkedin
    LAST UPDATED 3 YEARS AGO

    AUTO-REFRESH

    HIGHLIGHTS

    10:1 (IST)

    ഇതിനിടെ യുവതികളിലൊരാളായ കനകദുർഗയ്ക്ക് ദേഹാസ്വാസ്ഥ്യം ഉണ്ടായി

    10:0 (IST)

    തുടർന്ന് പൊലീസ് ഇ‌വരെ നിർബന്ധിച്ച് തിരികെ ഇറക്കുകയാണ്

    10:0 (IST)

    വലിയ നടപ്പന്തലിന് സമീപം ഒന്നരമണിക്കൂറോളമാണ് യുവതികളെ പ്രതിഷേധക്കാർ തടഞ്ഞുവച്ചത്

    9:59 (IST)

    പ്രതിഷേധക്കാർ തടഞ്ഞതിനെ തുടർന്ന് പൊലീസ് യുവതികളെ തിരിച്ചിറക്കുന്നു

    9:18 (IST)

    പ്രതിഷേധം ശക്തിപ്പെടുന്നു. വലിയ നടപ്പന്തലിൽ ഭക്തർ സംഘടിക്കുന്നു

    8:58 (IST)

    യുവതികളെ പിന്തിരിപ്പിക്കേണ്ടി വരുമെന്ന് ദേവസ്വം മന്ത്രി. പൊലീസിന് ഇക്കാര്യത്തിൽ നിർദേശം നൽകുമെന്നും മന്ത്രി കടകംപള്ളി സുരേന്ദ്രൻ. 

    8:52 (IST)

    പ്രതിഷേധക്കാരെ ഭയന്ന് പിന്മാറില്ലെന്ന് യുവതികൾ

    തുലാമാസ പൂജകൾക്ക് ശേഷം ശബരിമല നട അടച്ചു. രാത്രി ഒമ്പതരയോടെയാണ് നട അടച്ചത്. തുലാമാസ പൂജയുടെ അവസാനദിവസമായ ഇന്നും അയ്യപ്പ ദർശനത്തിനായി യുവതികളുടെ ശ്രമമുണ്ടായി. ആന്ധ്രയിലെ ഏലൂരുവിൽനിന്നുള്ള നാലു യുവതികളും കോട്ടയത്തുനിന്ന് ഒരാളുമാണ് ഇന്നു മല കയറാൻ ശ്രമിച്ചത്. ആന്ധ്രയിൽനിന്ന് എത്തിയ സംഘത്തിൽ നാലു യുവതികളുണ്ടായിരുന്നു. ഇവർ മലകയറിയെങ്കിലും പാതിവഴിക്ക് പ്രതിഷേധം ശക്തമായതോടെ തിരിച്ചിറങ്ങുകയായിരുന്നു. സംഘത്തിൽ മൂന്നു പേരെ ചെളിക്കുഴിയിൽനിന്നു ഗുരുസ്വാമിമാരുടെ സംഘമാണ് തിരിച്ചയച്ചത്. അതേസമയം, ശബരിമല ദർശനത്തിനായി പുറപ്പെട്ട കോട്ടയം സ്വദേശി ബിന്ദു ടി. വാസുവിനെയും പ്രതിഷേധക്കാർ വഴിയിൽ തടഞ്ഞു. ബിന്ദുവിനെ എരുമേലിയിൽനിന്നു മുണ്ടക്കയത്താണ് ആദ്യം കൊണ്ടുപോയത്. അവിടെനിന്ന് പമ്പയിലേക്കു കൊണ്ടുപോകവെ വട്ടപ്പാറ എന്ന സ്ഥലത്തുവച്ച് എരുമേലിയിൽനിന്ന് ഇവരെ പിന്തുടർന്ന പ്രതിഷേധക്കാർ പൊലീസ് ജീപ്പ് തടഞ്ഞു. അതേസമയം, ശബരിമല വിഷയത്തിൽ വിശ്വാസികളുടെ താൽപര്യം സംരക്ഷിക്കുമെന്ന് തിരുവിതാംകൂർ ദേവസ്വം ബോർഡ് പ്രസിഡന്റ് എ. പത്മകുമാർ. സുപ്രീംകോടയിലെ നടപടികൾ ഏകോപിപ്പിക്കാൻ ദേവസ്വം കമ്മീഷണർ ഉടൻ ഡൽഹിക്ക് പോകും. ആചാരാനുഷ്ഠാനങ്ങൾ സംരക്ഷിക്കുമെന്നും ദേവസ്വംബോർഡ് പ്രസിഡന്റ് പറഞ്ഞു.
    )}