അടിപൊളി ഫുഡ് കഴിക്കുന്നവർ അറിയാൻ; മുപ്പത് ഹോട്ടലുകളിൽ പഴകിയ ഭക്ഷണം പിടിച്ചു

തിരുവനന്തപുരം: തലസ്ഥാന നഗരത്തിലെ വിവിധ ഹോട്ടലുകളിൽ നിന്ന് പഴകിയ ഭക്ഷണം പിടികൂടി. നഗരസഭ ആരോഗ്യവിഭാഗമാണ് റെയ്ഡ് ചെയ്തു പഴകിയ ഭക്ഷണ സാധനങ്ങൾ പിടിച്ചെടുത്തത്. ഒരിടത്ത് സ്പ്രേ പെയിൻറ് കട്ടിപിടിക്കാതിരിക്കാൻ സൂക്ഷിച്ചിരുന്നത് ഭക്ഷണ സാമഗ്രികൾക്കൊപ്പം ഫ്രീസറിലാണെന്നും കണ്ടെത്തിയിട്ടുണ്ട്. ദിവസങ്ങളോളം പഴക്കമുള്ള മാംസവും പിടിച്ചെടുത്തവയിൽപ്പെടുന്നു. ഹോട്ടലുകളുടെ അടുക്കളയോടു ചേര്‍ന്നു മാലിന്യ ശേഖരവും കണ്ടെത്തി. ഹോട്ടലുടമകൾക്ക് നോട്ടീസ് നൽകുമെന്നും കുറ്റം ആവർത്തിക്കുന്നവരുടെ ലൈസൻസ് റദ്ദാക്കുമെന്നും മേയർ വി കെ പ്രശാന്ത് പറഞ്ഞു.