മത്സ്യത്തില് ഫോര്മാലിന്; കര്ശന നടപടിയെന്ന് ആരോഗ്യമന്ത്രി
Last Updated:
തിരുവനന്തപുരം: അയല് സംസ്ഥാനങ്ങളില് നിന്ന് കേരളത്തിലേക്കെത്തുന്ന മത്സ്യത്തില് മാരകമായ അളവില് ഫോര്മാലിന് കലര്ത്തുന്നതു കണ്ടെത്തിയ സാഹചര്യത്തില് കുറ്റക്കാര്ക്കെതിരെ കര്ശനമായ നടപടിയെടുക്കുമെന്ന് ആരോഗ്യവകുപ്പ് മന്ത്രി കെ.കെ. ശൈലജ.
ഇത്തരത്തിലുള്ള പ്രവര്ത്തികള് സമൂഹത്തില് ഉണ്ടാകാന് പാടില്ലാത്തതാണ്. ഭക്ഷ്യ വസ്തുക്കളില് വിഷം കയറ്റി അയക്കുന്നത് ഒരിക്കലും അനുവദിക്കാന് പാടില്ലാത്തതാണെന്നും മന്ത്രി പറഞ്ഞു. മറ്റു സംസ്ഥാനങ്ങളില് നിന്നും വിഷം കലര്ത്തിയ മത്സ്യം കേരളത്തിലേക്ക് എത്തുന്നു എന്ന സംശയം ബലപ്പെട്ടതിനെ തുടര്ന്നാണ് കഴിഞ്ഞ വര്ഷം സാഗര് റാണി എന്ന മിഷന് തുടങ്ങിയതെന്നും മന്ത്രി വ്യക്തമാക്കി.
ആരോഗ്യവകുപ്പിന്റെ കീഴില് മാത്രം ഒതുങ്ങുന്ന ഒരു വിഷയമല്ല. അതുകൊണ്ടുതന്നെ എടുപിടി എന്ന തരത്തില് നടപടികള് എടുക്കാന് സാധിക്കില്ലെന്നും മന്ത്രി പറഞ്ഞു.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Jun 26, 2018 1:06 PM IST
