'എന്തിനാണ് ഇങ്ങനെ കൊല്ലുന്ന കാര്യം പറഞ്ഞു കൊണ്ടിരിക്കുന്നത്?' രാഹുൽ മാങ്കൂട്ടത്തിൽ നിഷേധിക്കാത്ത ശബ്ദരേഖയുടെ പൂർണരൂപം

ഒരു യുവതിയെ പാലക്കാട് എംഎൽഎ രാഹുൽ മാങ്കൂട്ടത്തിലിന്റേതെന്ന് കരുതുന്ന ശബ്ദത്തിൽ ഗർഭധാരണത്തിനും ഗർഭഛിദ്രത്തിനും നിർ‌ബന്ധിക്കുന്ന ശബ്ദരേഖ തിങ്കളാഴ്ച പുറത്തുവന്നു. ശബ്ദം തന്റേതാണോ  എന്ന മാധ്യമപ്രവർത്തകരുടെ ചോദ്യങ്ങൾ‌ക്ക് ശബ്ദരേഖ നിഷേധിക്കാതെയും രാജ്യത്തെ നിയമത്തിനുവിരുദ്ധമായി ഒന്നും ചെയ്തിട്ടില്ലെന്നും ശബ്ദരേഖ ഇപ്പോൾ പുറത്തുവന്നത് എന്തുകൊണ്ടാണെന്ന് മനസിലാകുമെന്നുമാണ് രാഹുൽ പ്രതികരിച്ചത്. പാലക്കാട് തദ്ദേശ തിര‍ഞ്ഞെടുപ്പ് പ്രചാരണങ്ങൾ സജീവമാകുന്നതിനിടെയാണ് ഏകദേശം 100 ദിവസത്തിനുശേഷം രാഹുലിനെതിരെ വീണ്ടും ശബ്ദരേഖയും വാട്സാപ്പ് ചാറ്റുകളും പുറത്തുവരുന്നത്.