ഖാദിബോർഡ് സെക്രട്ടറി കെ.എ. രതീഷിന്റെ ശമ്പളം ഇരട്ടിയാക്കി; അഴിമതി കേസ് പ്രതിയെ വീണ്ടും കൈയയച്ച് സഹായിച്ച് സർക്കാർ

കോടികളുടെ കശുവണ്ടി അഴിമതിയിൽ സി.ബി.ഐ രജിസ്റ്റർ ചെയ്ത കേസിലെ പ്രതിയാണ് രതീഷ്. ഈ കേസിൽ പ്രോസിക്യൂഷൻ അനുമതി നിഷേധിച്ചതിന് പിന്നാലെയാണ് ശമ്പള വർധന.

News18 Malayalam | news18-malayalam
Updated: October 24, 2020, 12:42 PM IST
ഖാദിബോർഡ് സെക്രട്ടറി കെ.എ. രതീഷിന്റെ ശമ്പളം ഇരട്ടിയാക്കി; അഴിമതി കേസ് പ്രതിയെ വീണ്ടും കൈയയച്ച് സഹായിച്ച് സർക്കാർ
കെ.എ രതീഷ്
  • Share this:
തിരുവനന്തപുരം: ഖാദി ബോർഡ് സെക്രട്ടറി കെ.എ. രതീഷിന്റെ ശമ്പളം ഇരട്ടിയാക്കി സർക്കാർ. കോടികളുടെ കശുവണ്ടി അഴിമതിയിൽ സി.ബി.ഐ രജിസ്റ്റർ ചെയ്ത കേസിലെ  പ്രതിയാണ് രതീഷ്.  ഈ കേസിൽ പ്രോസിക്യൂഷൻ അനുമതി നിഷേധിച്ചതിന് പിന്നാലെയാണ് ശമ്പളവും വർധിപ്പിച്ച് നൽകിയിരിക്കുന്നത്.

കശുവണ്ടി വികസന കോർപ്പറേഷൻ എം.ഡി ആയിരിക്കെ നടത്തിയ ഇടപാടുകളിൽ കോടികളുടെ അഴിമതി ആരോപണമാണ് രതീഷ് നേരിടുന്നത്.  ഇതുമായി ബന്ധപ്പെട്ട് സി.ബി.ഐ അന്വേഷണവും പുരോഗമിക്കുകയാണ്.

അഴിമതി കേസിൽ സസ്പെൻഷനിലായിരുന്ന രതീഷിനെ ഖാദി ബോർഡ് സെക്രട്ടറിയായി   നിയമിച്ചതും ഈ സർക്കാരാണ്.  ഇപ്പോൾ ശമ്പളവും ഇരട്ടിയാക്കി. കിൻഫ്ര എംഡിയുടെ ശമ്പളം തനിക്കും ലഭിക്കണമെന്ന് ആവശ്യപ്പെട്ട് രതീഷ് സർക്കാരിന് കത്ത് നൽകിയിരുന്നു. ഇത് അംഗീകരിച്ചാണ് 80000 തിൽ നിന്നു  1,75,000 രൂപയായി ശമ്പളം വർധിപ്പിച്ചത്. ശമ്പളത്തിന് പുറമെ അലവൻസും ലഭിക്കും.


Also Read 'അഴിമതി പണം ഡോളറാക്കി വിദേശത്തേക്ക് കടത്തിയതും സ്വർണ്ണമായി തിരിച്ചു കടത്തിയതും മുഖ്യമന്ത്രിയുടെ സഹായത്തോടെ': കെ.സുരേന്ദ്രൻ

ശമ്പള വർധനവിന് ഖാദി ബോർഡ് ചെയർമാൻ കൂടിയായ വ്യവസായ മന്ത്രിയുടെ അനുമതിയുണ്ടെന്നും കത്തിൽ വ്യക്തമാക്കുന്നു. കഴിഞ്ഞ നിയമസഭാ തിരഞ്ഞെടുപ്പിൽ കൊല്ലം ജില്ലയിൽ ഇടതു മുന്നണിയുടെ പ്രധാന പ്രചരണായുധമായിരുന്നു കശുവണ്ടി വികസന കോർപ്പറേഷൻ അഴിമതി ഐഎൻടിയുസി സംസ്ഥാന അധ്യക്ഷൻ കേ. ചന്ദ്രശേഖരനും കേസിൽ പ്രതിയാണ്.
Published by: Aneesh Anirudhan
First published: October 24, 2020, 12:42 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading