നികുതി തട്ടിപ്പ് കേസ്; ആര്യാ രാജേന്ദ്രന് സര്‍ക്കാരിന്റെ പിന്തുണ; മേയര്‍ ഉരുകിപ്പോകുന്ന വെണ്ണയല്ലെന്ന് മന്ത്രി കെ രാധാകൃഷ്ണന്‍

തിരുവനന്തപുരം: നഗരസഭയിലെ നികുതി തട്ടിപ്പ് കേസിൽ മേയർ ആര്യാ രാജേന്ദ്രന്(Mayor Arya Rajendran) പൂർണ പിന്തുണ നൽകി സർക്കാർ(Government). മേയറെ ലക്ഷ്യം വച്ചുള്ള പ്രതിപക്ഷ ആക്രമണത്തിന് നിയമസഭയിൽ മറുപടി പറയുകയായിരുന്നു മന്ത്രി. മേയർക്ക് പ്രായം മാത്രമല്ല, ജനാധിപത്യ ബോധവും കുറവാണെന്ന് അടിയന്തര പ്രമേയത്തിന് നോട്ടീസ് അവതരിപ്പിച്ചു കൊണ്ട് എം വിൻസെൻ്റ് ആരോപിച്ചു. മേയറുടെ പ്രായത്തേക്കാൾ കൂടുതൽ പ്രവർത്തന പരിചയമുള്ള കൗൺസിലർമാരാണ് സമരം ചെയ്യുന്നത്. എന്നാൽ അവരോട് ചർച്ച ചെയ്യാതെ പ്രകോപിപ്പിക്കാനാണ് മേയർ ശ്രമിക്കുന്നതെന്നും വിൻസെൻ്റ് ആരോപിച്ചു.