'35 ലക്ഷം രൂപയ്ക്ക് ഒരു കാർ വാങ്ങുന്നതാണോ ഇത്ര വലിയ കാര്യം?' മുഖ്യമന്ത്രിക്ക് കിയ കാർ വാങ്ങിയതിനെക്കുറിച്ച് മന്ത്രി ബാലഗോപാൽ

തിരുവനന്തപുരം: മുഖ്യമന്ത്രി പിണറായി വിജയന് കിയ കാർ വാങ്ങിയതിനെ ന്യായീകരിച്ച് ധനമന്ത്രി കെ എൻ ബാലഗോപാൽ. 35 ലക്ഷം രൂപയ്ക്ക് ഒരു കാർ വാങ്ങുന്നതാണോ ഇത്ര വലിയ കാര്യമെന്ന് ധനമന്ത്രി ചോദിച്ചു. ക്ലിഫ് ഹൗസിലെ കാലിത്തൊഴുത്തിന് എസ്റ്റിമേറ്റ് തയ്യാറാക്കിയത് മുഖ്യമന്ത്രി അല്ലെന്ന് കെ എൻ ബാലഗോപാൽ പറഞ്ഞു. ധനപ്രതിസന്ധി രൂക്ഷമാണെന്ന് ചൂണ്ടിക്കാട്ടി പ്രതിപക്ഷം അടിയന്തരപ്രമേയംകൊണ്ടുന്നവതിന് പിന്നാലെ നടന്ന ചർച്ചയിൽ ധനമന്ത്രി ദയനീയ പരാജയമാണെന്ന് പ്രതിപക്ഷനേതാവ് വി ഡി സതീശൻ ആരോപിച്ചിരുന്നു. ഇതിന് പിന്നാലെയാണ്  നിയമസഭയിൽ മറുപടി പറയുകയായിരുന്നു മന്ത്രി.