ജയിലുകള്‍ ഭരിക്കുന്നത് തടവുപുള്ളികള്‍; കള്ളക്കടത്തിന്റെ കേന്ദ്രമായി കേരളം; ഉമ്മന്‍ ചാണ്ടി

കോട്ടയം: രാമനാട്ടുകര കള്ളക്കടത്ത് കേസും തിരുവഞ്ചൂർ രാധാകൃഷ്ണന് എതിരായ  വധഭീഷണി കത്തും ആയുധമാക്കി യൂത്ത് കോൺഗ്രസ് കോട്ടയത്ത് നടത്തിയ ഏകദിന സത്യാഗ്രഹത്തിന്റെ സമാപന വേദിയിലാണ് മുന്‍ മുഖ്യമന്ത്രി ഉമ്മൻചാണ്ടി കേരളത്തിലെ ഗുണ്ടാവിളയാട്ടത്തിനെതിരെ കടുത്ത വിമർശനവുമായി രംഗത്തിറക്കിയത്. അധികാരത്തിലിരിക്കുന്ന ഭരണസംവിധാനത്തിന് വലിയ മാനക്കേടാണ് ഈ സംഭവങ്ങൾ എന്ന് ഉമ്മൻചാണ്ടി കുറ്റപ്പെടുത്തി. കേരളം അന്ധാളിച്ചു നിൽക്കുന്ന സാഹചര്യമാണ് നിലനിൽക്കുന്നത്. കേരളത്തിന് എന്തുപറ്റിയെന്ന് പുറത്തുള്ളവർ ചോദിക്കുന്നു.