പുകവലിയില്‍ നിന്ന് മാരകലഹരികളിലേക്ക്; കൗമാരക്കാരുടെ ഇഷ്ട ലഹരി കഞ്ചാവെന്ന് എക്സൈസ് സര്‍വേ റിപ്പോര്‍ട്ട്
- Published by:Arun krishna
- news18-malayalam
Last Updated:
ലഹരി എന്തെന്നറിയാനുള്ള കൗതുകമാണ് 78.1 ശതമാനം പേരെയും ഇതിലേക്ക് നയിക്കുന്നത്.
സംസ്ഥാനത്തെ കൗമാരക്കാരുടെ ലഹരി ഉപയോഗത്തെ കുറിച്ചുള്ള ഞെട്ടിക്കുന്ന വിവരങ്ങള്‍ പുറത്തുവിട്ട് എക്സൈസ് വകുപ്പ്. ∙ ലഹരിമരുന്ന് ഉപയോഗിക്കുന്ന കൗമാരക്കാരിൽ 79% പേർ സുഹൃത്തുക്കൾ വഴിയാണ് ഇതിന് തുടക്കമിടുന്നതെന്ന് എക്സൈസ് വകുപ്പിന്റെ സാംപിൾ സർവേ റിപ്പോർട്ടില്‍ പറയുന്നു. 80% പേരും സുഹൃത്തുക്കൾക്കൊപ്പമിരുന്നാണ് ലഹരി ഉപയോഗിക്കുന്നത്. ലഹരി എന്തെന്നറിയാനുള്ള കൗതുകമാണ് 78.1 ശതമാനം പേരെയും ഇതിലേക്ക് നയിക്കുന്നത്.
10നും 15നും ഇടയിൽ പ്രായമുള്ളപ്പോള്‍ ലഹരി ഉപയോഗം തുടങ്ങുന്നവരാണ് കൗമാരക്കാരിൽ 70 ശതമാനം പേരും. എക്സൈസ് വകുപ്പ് 2020ൽ രജിസ്റ്റർ ചെയ്ത ലഹരിമരുന്നു കേസുകളിലെ 21 വയസ്സിൽ താഴെയുള്ളവരിലും വിമുക്തിയുടെ ലഹരിവിമോചന കേന്ദ്രങ്ങളിലും കൗൺസലിങ് കേന്ദ്രങ്ങളിലും ചികിത്സയ്ക്കെത്തിയവരിലും നടത്തിയ സർവേയില്‍ നിന്നാണ് ഞെട്ടിക്കുന്ന വിവരങ്ങള്‍ ലഭിച്ചത്. കേസിൽപെട്ട 155 പേർ ഉൾപ്പെടെ 600 പേർ സർവേയിൽ പങ്കെടുത്തു.
റിപ്പോര്‍ട്ടിലെ പ്രധാന കണ്ടെത്തലുകള്‍
- ഒരു തവണയെങ്കിലും ലഹരി ഉപയോഗിച്ചവര്‍ – 97 %
- കൂടുതല്‍ പേര്‍ ഉപയോഗിച്ചത്‌ കഞ്ചാവ്‌ – 82 %
- കൗതുകം കൊണ്ട്‌ ലഹരി ഉപയോഗം തുടങ്ങിയവര്‍-78.1 %
- ആദ്യമായി ഉപയോഗിച്ച ലഹരി പുകയില – 78.1 %
- സുഹൃത്തുക്കളില്‍നിന്ന്‌ ആദ്യ ലഹരിമരുന്നു കിട്ടിയവര്‍ – 79 %
- 1ഠനും 15നും ഇടയില്‍ ലഹരി ഉപയാഗം തുടങ്ങിയവര്‍- 70%
- ദിവസം ഒന്നില്‍ക്കൂടുതല്‍ തവണ ലഹരി ഉപയോഗിച്ചവര്‍ – 46%
- സുഹൃത്തുക്കള്‍ക്കൊപ്പം ഉപയോഗിച്ചവര്‍ – 80 %
- പുകയായി ലഹരി ഉപയോഗിച്ചവര്‍ – 94.16 %
- ലഹരി ഉപയോഗം മൂലം ഡ്രൈ മൌത്ത്‌ ബാധിച്ചവര്‍- 61.5 %
- ലഹരിയോടുള്ള ആസക്തി കൊണ്ടു കുറ്റകൃത്യം ചെയ്തവര്‍ – 16.6 %
- പ്രവൃത്തിയില്‍ കുറ്റബോധമുള്ളവര്‍ – 39. 83 %
- സുഹൃത്തുക്കളെ ലഹരി ഉപയോഗിക്കാന്‍ പ്രലോഭിപിച്ചവര്‍ – 38.16 %
- കുറ്റോരോപിതരില്‍ കൗണ്‍സലിങ്‌ തേടിയവര്‍ – 41.5 %
- കുറ്റോരോപിതരില്‍ ചികിത്സയ്ക്കു വിധേയരായവര്‍ – 30.78 %
advertisement
റിപ്പോർട്ട് എക്സൈസ് കമ്മിഷണർ എസ്.ആനന്ദകൃഷ്ണനു നൽകി മന്ത്രി എം.ബി.രാജേഷ് പ്രകാശനം ചെയ്തു. സർവേ റിപ്പോർട്ടിന്റെ അടിസ്ഥാനത്തിൽ സ്റ്റുഡന്റ് പൊലീസ് കെഡറ്റുകളുടെ സഹായത്തോടെ ഒരു ലക്ഷം കൗമാരക്കാരിൽ നിന്നു വിവരമെടുത്ത് സമഗ്ര സർവേ നടത്താന്‍ എക്സൈസ് വകുപ്പ് തീരുമാനിച്ചിട്ടുണ്ട്.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Thiruvananthapuram,Kerala
First Published :
January 29, 2023 10:39 AM IST
മലയാളം വാർത്തകൾ/ വാർത്ത/Kerala/
പുകവലിയില്‍ നിന്ന് മാരകലഹരികളിലേക്ക്; കൗമാരക്കാരുടെ ഇഷ്ട ലഹരി കഞ്ചാവെന്ന് എക്സൈസ് സര്‍വേ റിപ്പോര്‍ട്ട്
