പൊലീസ് ഉദ്യോഗസ്ഥർക്കെതിരെ തെറ്റായ പ്രചാരണം നടത്തുന്നവർക്ക് എതിരെ കർശന നടപടി

മതത്തിന്‍റെയും വിശ്വാസത്തിന്‍റെയും പേരിൽ സംസ്ഥാന പൊലീസിലെ ഐജി റാങ്കിലുള്ള രണ്ട് ഉദ്യോഗസ്ഥർ‍ക്കെതിരെ സമൂഹ മാധ്യമങ്ങളിലൂടെ നടക്കുന്ന ആക്രമണം ന്യായീകരിക്കാനാകാത്തതാണ്. ഇത്തരം സന്ദേശങ്ങൾക്ക് പിന്നിൽ പ്രവർത്തിച്ചവർക്കെതിരെ കർശന ന

ടപടിയെടുക്കുമെന്നും ഡിജിപി വ്യക്തമാക്കുന്നു.

ഒരു പൊലീസ് ഉദ്യോഗസ്ഥന് തന്‍റെ നിയമപരമായ ഉത്തരവാദിത്തം നിർവഹിക്കുന്നതിന് മതമോ വിശ്വാസമോ ഒരിക്കലും തടസ്സമല്ല. മതത്തിന്‍റെയും വിശ്വാസത്തിന്‍റെയും പേരിൽ പൊലീസ് ഉദ്യോഗസ്ഥരെ വ്യക്തിപരമായി ആക്രമിക്കുന്നത് അനുവദിക്കാനാകില്ല. നിയമപരമായും കൃത്യമായും ചുമതലകൾ നിർ‍വ്വഹിക്കുന്ന പൊലീസ് ഉദ്യോഗസ്ഥരെ നിർവ്വീര്യരാക്കുന്ന ഇത്തരം പ്രവൃത്തികളിൽ നിന്ന് എല്ലാവരും ഒഴിഞ്ഞുനിൽക്കണമെന്നും ഇത്തരം സന്ദേശങ്ങൾ‍ക്ക് പിന്നിൽ പ്രവർത്തിച്ചവർക്കെതിരെ കർ‍ശനമായ നിയമ നടപടി സ്വീകരിക്കുമെന്നും സംസ്ഥാന പോലീസ് മേധാവിഅറിയിച്ചു.