വിപണിയിലെത്തും മുൻപേ ഹിറ്റ്; വൻ ഡിമാൻ്റോടെ ചമ്പന്നൂർ പാടശേഖരത്തിലെ നാടൻ അരി

ചമ്പന്നൂർ പാടശേഖരത്തിൽ കൃഷിയിറക്കിയ നാടൻ അരി വിപണിയിലേക്ക് വിതരണം ചെയ്തു. ചമ്പന്നൂർ സെൻ്റ് സെബാസ്റ്റ്യൻ പള്ളി വികാരി ഫാദർ ഫ്രാൻസിസ് കവാലിപ്പടൻ ഉദ്ഘാടനം നിർവഹിച്ചു. തുടർന്ന് വേനൽക്കാല പച്ചക്കറി, അടുക്കളത്തോട്ട തൈ വിതരണം എന്നിവ നടത്തി. ഇതിനോടകം സോഷ്യൽ മീഡിയ വഴി മുഴുവൻ അരിയും ബുക്കിംഗ് ആയി. നെൽക്കർഷകർക്ക് നെല്ല് പുഴുങ്ങി ഉണക്കി അരിയാക്കുവാൻ അങ്കമാലി പ്രദേശത്ത് സൗകര്യമൊരുക്കണമെന്നും ഇങ്ങനെ ചെയ്യുകയാണെങ്കിൽ കൂടുതൽ ആളുകൾ കൃഷിയിലേക്ക് ഇറങ്ങുവാൻ ഉണ്ടാവുമെന്നും യുവകർഷകർ പറഞ്ഞു.