മലയാറ്റൂർ - നീലേശ്വരം ഗ്രാമപഞ്ചായത്തിൽ പുതിയ വയോജന മന്ദിരവും വനിത വിശ്രമ കേന്ദ്രവും

മലയാറ്റൂർ - നീലീശ്വരം ഗ്രാമപഞ്ചായത്ത് പതിനഞ്ചാം വാർഡിൽ വയോജന മന്ദിരത്തിൻ്റെയും വനിത വിശ്രമകേന്ദ്രത്തിൻ്റെയും നിർമ്മാണത്തിന് തുടക്കമായി. റോജി എം. ജോൺ എംഎൽഎ തറക്കല്ലിടൽ കർമ്മം നിർവഹിച്ചു. ജില്ലാ പഞ്ചായത്ത് ഫണ്ടിൽ നിന്ന് 12 ലക്ഷവും ബ്ലോക്ക് പഞ്ചായത്തിൽ നിന്ന് 5 ലക്ഷവും ഗ്രാമപഞ്ചായത്ത് ഫണ്ടിൽ നിന്ന് 11 ലക്ഷം രൂപയും വിനിയോഗിച്ചാണ് പദ്ധതി നടപ്പിലാക്കുന്നത്. വയോജന ക്ഷേമത്തിനും സ്ത്രീകളുടെ സാമൂഹിക ഇടപെടലുകൾക്കും ഉചിതമായ സൗകര്യങ്ങൾ ഒരുക്കുകയാണ് പദ്ധതിയിലൂടെ ലക്ഷ്യം വെക്കുന്നത്.