കോഴിക്കോട് ബീച്ചിൽ സംഗീതരാവ് സമ്മാനിച്ച് ഷാൻ റഹ്മാനും സംഘവും

തട്ടത്തിൻ മറയത്തിലെ എൻ ശ്വാസമേ, മുത്ത്ചിപ്പി എന്നീ ഗാനങ്ങളും, ഒരു തൂവൽ തെന്നൽ, തിരുവാവണി രാവ്, കൈക്കോട്ടും കണ്ടിട്ടില്ല, ഈ ശിശിരകാലം, ആരോ നെഞ്ചിൽ തുടങ്ങിയ ഗാനങ്ങളും ഷാൻ ആലപിച്ചു. ആടിയും പാടിയും സദസ്സ് ഷാൻ റഹ്മാൻ്റെ മാവേലിക്കസ് ഷോയിൽ ആവേശം തീർത്തു. ഷാൻ റഹ്മാൻ, നിത്യാ മാമൻ, നജിം അർഷാദ്, കാവ്യ അജിത്ത്, നിരഞ്ജ് സുരേഷ്, മിഥുൻ ജയരാജ്, അനില തുടങ്ങിയവർ പാട്ടുകൾ ആലപിച്ചു.