മൂന്ന് ചേരരാജാക്കൻമാരുടെ ചരിത്രം സൂക്ഷിക്കുന്ന പന്നിയങ്കര ദുർഗാഭഗവതി ക്ഷേത്രം

കോഴിക്കോട് പന്നിയങ്കര ദുർഗാ ഭഗവതി ക്ഷേത്രത്തിന് മൂന്ന് ചേരരാജാക്കൻമാരുടെ ചരിത്ര പെരുമയുണ്ട്. കേരള പുരാവസ്തു വകുപ്പ് നടത്തിയ പഠനത്തിലാണ് ക്ഷേത്രത്തിൻ്റെ ഈ പ്രത്യകത കണ്ടെത്തിയത്. പൊതുവർഷം 962 മുതൽ 1021 വരെ ഭരണം നടത്തിയ ചേരപ്പെരുമാളായ ഭാസ്കര രവിവർമ, പൊതുവർഷം 1021 മുതൽ 1036 വരെ ഭരിച്ച രവി കോത രാജസിംഹൻ, പൊതുവർഷം 910 ൽ ഭരിച്ച കാതരവി പെരുമാൾ എന്നിവരുടെ ചരിത്രലിഖിതങ്ങളാണ് ക്ഷേത്രത്തിൽ നിന്ന് കണ്ടെത്തിയത്. ഇതിൽ ഭാസ്കര രവിവർമ, രവി കോത രാജസിംഹൻ എന്നിവരുടെ ലിഖിതങ്ങൾ അന്തരിച്ച ചരിത്രകാരൻ ഡോ. എം ജി എസ് നാരായണൻ നേരത്തെ തന്നെ തിരിച്ചറിഞ്ഞിരുന്നു. കോതരവിയുടെ ലിഖിതങ്ങളാണിപ്പോൾ സ്ഥിതീകരിച്ചത്. പന്നിയങ്കരയിലെ ഏറ്റവും പഴയ രേഖയാണിത്.