ആർത്തവ ശുചിത്വ പദ്ധതിക്ക് കോഴിക്കോട് ജില്ലയിൽ തുടക്കം; വിദ്യാലയങ്ങളിൽ ഇൻസിനറേറ്ററും മെൻസ്ട്രുവൽ കപ്പും എത്തും

നാപ്കിന്‍ ഇന്‍സിനറേറ്ററുകള്‍ സ്ഥാപിക്കുന്നതിനായി ജില്ലയില്‍ നിന്ന് 26 വിദ്യാഭ്യാസ സ്ഥാപനങ്ങളെയാണ് തെരഞ്ഞെടുത്തത്. മെന്സ്ട്രല് കപ്പ് വിതരണത്തിന് 10 ഹയര്‍ സെക്കന്‍ഡറി സ്‌കൂളുകളെയും 17 കോളേജുകളെയും നെറ്റ് സീറോ ക്യാമ്പയിന്‍ ഏറ്റെടുത്ത 14 തദ്ദേശ സ്വയംഭരണ സ്ഥാപനങ്ങളിലെ കുടുംബശ്രീ അയല്‍ക്കൂട്ടങ്ങളെയും തെരഞ്ഞെടുത്തിട്ടുണ്ട്. സ്‌കൂള്‍, കോളേജ് വിദ്യാര്‍ഥിനികളില്‍ നിന്ന് അര്‍ഹരായവരെ തെരഞ്ഞെടുത്താണ് പദ്ധതി നടപ്പാക്കുന്നത്. ഇതിൻ്റെ ഭാഗമായി ഇന്‍സിനറേറ്റര്‍ സ്ഥാപിക്കുന്ന സ്ഥാപനങ്ങളിലും മെന്സ്ട്രല് കപ്പ് നല്‍കുന്ന സ്ഥാപനങ്ങളിലും അയല്‍ക്കൂട്ടങ്ങളിലും ആര്‍ത്തവ ശുചിത്വവും ആര്‍ത്തവ ശുചിത്വ ഉല്‍പന്നങ്ങളുടെ ഉപയോഗവും സംബന്ധിച്ച ക്ലാസുകള്‍ ഫെബ്രുവരി 10നകം സംഘടിപ്പികും. ഇതുമായി ബന്ധപ്പെട്ട ജില്ലാതല യോഗം ഫെബ്രുവരി ആറിന് കൊയിലാണ്ടി ഇ.എം.എസ്. സ്മാരക ടൗണ്‍ ഹാളില്‍ ചേരും.