SNGOU കലോത്സവ പ്രച്ഛന്ന വേഷത്തിൽ ഗാസയിലെ യുദ്ധഭീകരത തുറന്നുകാട്ടി ഷാനവാസ്

ബോംബ് സ്ഫോടനത്തിൽ കൈ നഷ്ടപ്പെട്ട ഒരു സാധാരണക്കാരൻ. ശരീരമാകെ അയാൾക്ക് പരിക്കുണ്ട്. ഒരു കണ്ണ് പരിക്കേറ്റ് പുറത്തേക്ക് തള്ളിയിരിക്കുന്നു. രക്തം കട്ടപിടിച്ച മുഖം. ചോരയിൽ കുതിർന്ന വസ്ത്രങ്ങൾ. രക്ഷപ്പെടുത്താൻ ഹെലിക്കോപ്റ്റർ എത്തിയപ്പോഴേക്ക് അയാളുടെ ജീവൻ നഷ്ടപ്പെട്ടിരുന്നു. കോഴിക്കോട് മീഞ്ചന്ത ഗവ ആർട്ട്സ് ആൻഡ് സയൻസ് കോളേജിൽ നടന്ന SNGOU കലോത്സവത്തിൽ പ്രച്ഛന്ന വേഷ മത്സരത്തിൽ ഗാസയിലെ യുദ്ധ ഭീകരത തുറന്നു കാട്ടിയ പ്രഛന്നവേഷവുമായി കോഴിക്കോട് നല്ലളം എം പി ഹൗസിൽ ഷാനവാസ് ഒന്നാമനായി.