തീവ്ര വോട്ടർ പട്ടിക പരിഷ്‌കരണ പ്രചാരണത്തിന് സമാപനം കുറിച്ച് കോഴിക്കോട് ബീച്ചിൽ മെഗാ കൈറ്റ് ഫെസ്റ്റിവൽ

തീവ്ര വോട്ടർ പട്ടിക പരിഷ്‌കരണത്തിൻ്റെ (എസ്‌.ഐ‌.ആർ.) പ്രചാരണാർഥം ഡിസംബർ 1 തിങ്കളാഴ്ച കോഴിക്കോട് ബീച്ചിൽ മെഗാ കൈറ്റ് ഫെസ്റ്റിവൽ സംഘടിപ്പിച്ചു. വൈകിട്ട് മൂന്നിന് ബീച്ച് മെയിൻ സ്റ്റേജിന് മുൻവശത്താണ് പരിപാടി സംഘടിപ്പിച്ചത്. ജില്ലാ തിരഞ്ഞെടുപ്പ് വിഭാഗം, ജില്ലാ സ്വീപ് സെൽ, ജില്ലാ ഇലക്ടറൽ ലിറ്ററസി ക്ലബ്ബ്, കാലിക്കറ്റ് യൂണിവേഴ്സിറ്റി നാഷണൽ സർവീസ് സ്കീം, വൺ ഇന്ത്യ കൈറ്റ് ടീം തുടങ്ങിയവയുടെ ആഭിമുഖ്യത്തിലാണ് കൈറ്റ് ഫെസ്റ്റിവൽ ബീച്ചിൽ സംഘടിപ്പിച്ചത്.