'ശബരിമല സ്വർണക്കൊള്ള തദ്ദേശ തിരഞ്ഞെടുപ്പ് ഫലത്തെ ബാധിച്ചില്ല; തിരുവനന്തപുരത്ത് BJP-UDF നീക്കുപോക്ക്': മുഖ്യമന്ത്രി

തിരുവനന്തപുരത്തെ തിരഞ്ഞെടുപ്പ് ഫലം പ്രത്യേകതയാർന്ന നിലയാണെന്ന് മുഖ്യമന്ത്രി പറഞ്ഞു. തിരുവനന്തപുരത്തെ തോൽവിയ്ക്ക് കാരണം താത്കാലിക നേട്ടത്തിന് വേണ്ടി ബിജെപി-യുഡിഎഫ് നീക്കുപോക്ക് ഉണ്ടായത് കൊണ്ടാണ്. പരസ്പര സഹകരണ മുന്നണിയായി ബിജെപിയും യുഡിഎഫും മാറിയെന്ന് മുഖ്യമന്ത്രി വിമർശിച്ചു. തിരുവനന്തപുരത്ത് ഏറ്റവും കൂടുതൽ വോട്ട് നേടിയത് എൽഡിഎഫാണ്. ബിജെപി ജയിച്ച 26 വാർഡുകളിൽ യുഡിഎഫിന് ആയിരത്തിൽ താഴെ പോയി. ഇത് അസാധാരണം ആണ്. ഇതിൽ നീക്ക് പോക്കുണ്ടായിട്ടുണ്ടെന്ന് മുഖ്യമന്ത്രി കൂട്ടിച്ചേർത്തു.