കോഴിക്കോട് ജില്ലാ കലോത്സവം: കാമ്പസിലെ ലഹരി അടക്കമുള്ള വിഷയങ്ങൾ മനോഹരമായി അവതരിപ്പിച്ച് മൈം പ്രകടനങ്ങൾ ശ്രദ്ധേയമായി

ലഹരി വസ്‌തുക്കൾ തീർക്കുന്ന സങ്കീർണ്ണമായ മഹാവിപത്തുകൾ, യുദ്ധങ്ങൾ നേരിടുന്ന ദുരിത ജീവിതത്തിൻ്റെ കരളലിയിലിപ്പിക്കുന്ന നിരവധി സംഭവങ്ങൾ, മനുഷ്യക്കുരുതികൾ, കാമ്പസുകളിൽ വിദ്യാർഥികൾ ലഹരിക്ക് അടിമയായ ദുരിതങ്ങൾ, തെരുവ് നായ്ക്കളുടെ ഭീതിജനകമായ ആക്രമണങ്ങളുടെ സങ്കട കാഴ്ച്ചകൾ, ജയിലറയിലെ ജീവിതം, കേരള മണ്ണിൽ അനുദിനം സംഭവിക്കുന്ന നിരവധി കാഴ്ച്ചകൾ ഭാവതലങ്ങൾ പകർന്ന് ശരീരഭാഷയിലുടെ അവതരിപ്പിച്ചപ്പോൾ മൂകാഭിനയം മനോഹരമായി.

കൊയിലാണ്ടി ജി.എച്ച്.എസ്.എസ്. സബർമതി വേദിയിൽ മൈം കാണാൻ വൻ ജനക്കൂട്ടമാണ് ഒഴുകിയെത്തിയത്. പതിനേഴ് ടീമുകളാണ് മത്സരത്തിൽ മാറ്റുരച്ചത്. എല്ലാവരും എ ഗ്രേഡിലാണ് തിളങ്ങിയത്.