ബേപ്പൂരിൻ്റെ ഓളപ്പരപ്പിൽ ആവേശം വിതറി ഡിങ്കി ബോട്ടുകൾ; മത്സരത്തിൽ ടി. സിദ്ദിഖും അബ്ദുൾ ഗഫൂറും ജേതാക്കൾ

കോഴിക്കോട് ബേപ്പൂരിൻ്റെ ഓളപ്പരപ്പിൽ കുതിച്ച്‌ ഡിങ്കി ബോട്ടുകൾ. ബേപ്പൂർ ഇൻ്റർനാഷണൽ വാട്ടർ ഫെസ്റ്റ് രണ്ടാം ദിനത്തിലാണ് പ്രാദേശിക മത്സ്യത്തൊഴിലാളികളുടെ ഡിങ്കി ബോട്ടുകൾ കരയിലും കടലിലും ആവേശം തീർത്തത്. ബ്രേക്ക് വാട്ടറിൽ നടന്ന ഡിങ്കി ബോട്ട് റെയ്സ് മത്സരത്തിൽ രണ്ട് പേര് വീതമുള്ള 24 പ്രാദേശിക ടീമുകൾ പങ്കെടുത്തു. 300 മീറ്റർ ട്രാക്കിലായിരുന്നു മത്സരം. അവസാന റൗണ്ടിൽ എട്ട് പേരടങ്ങുന്ന നാല് ബോട്ടുകളാണ് ഫൈനലിൽ പ്രവേശിച്ചത്.