തിരുവനന്തപുരം വിമാനത്താവളത്തിൽ വിസ്മയമൊരുക്കി 'വിൻ്റർ ഫെസ്റ്റ്'
- Reported by:Athira Balan A
- local18
- Published by:Gouri S
Last Updated:
കാഴ്ചക്കാരെ വിസ്മയിപ്പിക്കുന്ന 20 അടി ഉയരമുള്ള കൂറ്റൻ ക്രിസ്മസ് ട്രീയാണ് മേളയുടെ പ്രധാന ആകർഷണം.
തലസ്ഥാനത്തെ ക്രിസ്മസ്-പുതുവത്സര ആഘോഷങ്ങൾക്ക് മാറ്റ് കൂട്ടിക്കൊണ്ട് തിരുവനന്തപുരം രാജ്യാന്തര വിമാനത്താവളത്തിൽ 'വിൻ്റർ ഫെസ്റ്റ്' ഒരുങ്ങിക്കഴിഞ്ഞു. വിമാനയാത്രക്കാർക്ക് മാത്രമല്ല, നഗരവാസികൾക്കും കുടുംബത്തോടൊപ്പം സന്ദർശിക്കാനും ആഘോഷങ്ങളിൽ പങ്കുചേരാനും സാധിക്കുന്ന തരത്തിലാണ് അദാനി എയർപോർട്ട് അതോറിറ്റി ചാക്കയിലെ അന്താരാഷ്ട്ര ടെർമിനലിന് (T2) മുന്നിലുള്ള മൈതാനത്ത് ഈ വിസ്മയ കാഴ്ചകൾ സജ്ജമാക്കിയിരിക്കുന്നത്.
അഡ്വ. ആൻ്റണി രാജു എം.എൽ.എ. വിൻ്റർഫെസ്റ്റിൻ്റെ ഉദ്ഘാടനം നിർവ്വഹിച്ചു. കാഴ്ചക്കാരെ വിസ്മയിപ്പിക്കുന്ന 20 അടി ഉയരമുള്ള കൂറ്റൻ ക്രിസ്മസ് ട്രീയാണ് മേളയുടെ പ്രധാന ആകർഷണം. വൈവിധ്യമാർന്ന രുചികളൊരുക്കുന്ന ഫുഡ് ഫെസ്റ്റിവൽ, കുട്ടികൾക്കും മുതിർന്നവർക്കും ഒരുപോലെ ആസ്വദിക്കാവുന്ന ഗെയിമിംഗ് സോൺ, ക്രിസ്മസ് വിപണിയുടെ വൈവിധ്യങ്ങളുമായി ഷോപ്പിംഗ് സ്റ്റാളുകൾ എന്നിവയും വിൻ്റർ ഫെസ്റ്റിൽ ഒരുക്കിയിട്ടുണ്ട്.
പൊതുജനങ്ങൾക്കായി പ്രവേശനം തികച്ചും സൗജന്യമാക്കിയ വിൻ്റർഫെസ്റ്റ് ഈ ആഘോഷകാലത്ത് നഗരത്തിലെ പ്രധാന സന്ദർശന കേന്ദ്രമായി മാറുകയാണ്. നിലവിൽ തിരുവനന്തപുരം നഗരത്തിലെ വിവിധ ഇടങ്ങളിൽ സർക്കാരും സ്വകാര്യ കൂട്ടായ്മകളും ക്രിസ്മസിനോട് അനുബന്ധിച്ച് വിവിധതരം പരിപാടികൾ നടത്തിവരുന്നുണ്ട്. എയർപോർട്ടിൽ ഇത്തരത്തിൽ ഒരുങ്ങുന്ന കാഴ്ചക്കാർക്ക് കൂടുതൽ കൗതുകം പകരുകയാണ്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram [Trivandrum],Thiruvananthapuram,Kerala
First Published :
Dec 29, 2025 1:24 PM IST
മലയാളം വാർത്തകൾ/ വാർത്ത/Thiruvananthapuram/
തിരുവനന്തപുരം വിമാനത്താവളത്തിൽ വിസ്മയമൊരുക്കി 'വിൻ്റർ ഫെസ്റ്റ്'
