കുന്ദമംഗലത്ത് വികസന കുതിപ്പ്; ജനങ്ങളുടെ കാത്തിരിപ്പിന് വിരാമമിട്ട് രണ്ട് പുതിയ റോഡുകൾ കൂടി

കുന്ദമംഗലം നിയോജക മണ്ഡലത്തിലെ നവീകരിച്ച രണ്ട് റോഡുകളുടെ ഉദ്ഘാടനം പി ടി എ റഹീം എംഎൽഎ നിർവഹിച്ചു. പെരുമണ്ണ ഗ്രാമപഞ്ചായത്തിൽ പ്രവൃത്തി പൂർത്തീകരിച്ച തയ്യിൽതാഴം വിളക്കാട്ട് റോഡ്, മാവൂർ ഗ്രാമപഞ്ചായത്തിലെ പനങ്ങോട് കുറ്റിച്ചാൽ റോഡ് എന്നിവയാണ് ഉദ്ഘാടനം ചെയ്തത്. എംഎൽഎയുടെ പ്രാദേശിക വികസന ഫണ്ടിൽ നിന്ന് അനുവദിച്ച അഞ്ച് ലക്ഷം രൂപയും, ബ്ലോക്ക് പഞ്ചായത്തിൻ്റെ മൂന്ന് ലക്ഷവും, ഗ്രാമപഞ്ചായത്ത് അനുവദിച്ച രണ്ട് ലക്ഷവും ഉൾപ്പെടെയുള്ള 10 ലക്ഷം രൂപ വിനിയോഗിച്ചാണ് തയ്യിൽതാഴം വിളക്കാട്ട് റോഡിൻ്റെ നവീകരണം നടത്തിയത്.