Temple അമ്പലത്തിൽ വെച്ച് അജ്ഞാത നല്‍കിയ വളകള്‍ വിറ്റ് മാല വാങ്ങി; നടയിൽ വന്ന് ധരിക്കും
- Published by:Jayesh Krishnan
- news18-malayalam
Last Updated:
വാങ്ങിയ മാല അമ്പലത്തിലെത്തി ധരിക്കാനായി ആഗ്രഹമുണ്ടെങ്കിലും വളകള്‍ സമ്മാനിച്ച സ്ത്രീയെ കണ്ടെത്താന്‍ കഴിയാത്തതില്‍ സുഭദ്രാമ്മയ്ക്ക് നിരാശയുമുണ്ട്.
കൊല്ലം: ക്ഷേത്രത്തില്‍ പ്രാര്‍ഥനയ്ക്കിടെ സ്വര്‍ണമാല നഷ്ടമായ വീട്ടമ്മയ്ക്ക് വളകള്‍ ഊരി നല്‍കിയ അജ്ഞാതയായ സ്ത്രീയെ തേടി നാട്. അജ്ഞാതയ്ക്കായി കാത്തിരിക്കുകയാണ് കൊട്ടാരക്കര മൈലം പള്ളിക്കല്‍ മുകളില്‍ മങ്ങാട്ടുവീട്ടില്‍ സുഭദ്ര. ഇപ്പോഴിതാ ആ വളകള്‍ വിറ്റ് മാലയും പട്ടാഴി അമ്മയ്ക്ക് സ്വര്‍ണപൊട്ടും വാങ്ങിച്ചിരിക്കുകയാണ് സുഭദ്ര.
തിങ്കളാഴ്ച വൈകീട്ട് കുംഭത്തിരുവാതിര ഉത്സവം കൊടിയിറങ്ങുന്നതിനുമുന്‍പ് ക്ഷേത്രത്തിലെത്തി പൊട്ട് സമര്‍പ്പിച്ചശേഷം അവിടെവെച്ച് പുത്തന്‍ മാല ധരിക്കാനാണ് സുഭദ്രയുടെ തീരുമാനം.
ക്ഷേത്രത്തില്‍ വലംവെച്ച് തൊഴുന്നതിനിടെയാണ് സുഭദ്രയുടെ രണ്ടു പവന്റെ മാല നഷ്ടപ്പെട്ടത്. മാല നഷ്ടമായതോടെ വാവിട്ട് നിലവിളിച്ച് വീട്ടമ്മയ്ക്ക് അജ്ഞാതയായ സ്ത്രീ രണ്ടു സ്വര്‍ണ വളകള്‍ ഊരി നല്‍കുകയായിരുന്നു.
advertisement
നിലത്തു കിടന്നു കരഞ്ഞ സുഭദ്രാമ്മയെ ഒരു സ്ത്രീ പിടിച്ചെഴുന്നേല്‍പ്പിക്കുകയും കയ്യില്‍ കിടന്ന രണ്ട് സ്വര്‍ണ്ണവളകള്‍ സമ്മാനിക്കുകയും ചെയ്തു. ആശ്വാസവാക്കുകള്‍ പറഞ്ഞതോടൊപ്പം വളകള്‍ വിറ്റ് മാല വാങ്ങി ധരിച്ചോളൂ എന്ന് പറഞ്ഞു മടങ്ങുകയും ചെയ്തതായി സുഭദ്ര'അമ്മ പറയുന്നു.
സംഭവമാറിഞ്ഞു എത്തിയ ക്ഷേത്രഭാരവാഹികള്‍ സി സി ടി വി ദൃശ്യങ്ങള്‍ പരിശോധിച്ചതിലാണ് ദൃശ്യങ്ങള്‍ ലഭിച്ചത്. ഇപ്പോള്‍ വാങ്ങിയ മാല അമ്പലത്തിലെത്തി കഴുത്തില്‍ ധരിക്കാനായി ആഗ്രഹമുണ്ടെങ്കിലും വളകള്‍ സമ്മാനിച്ച സ്ത്രീയെ കണ്ടെത്താന്‍ കഴിയാത്തതില്‍ സുഭദ്രാമ്മയ്ക്ക് നിരാശയുമുണ്ട്.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
March 14, 2022 8:47 AM IST
മലയാളം വാർത്തകൾ/ വാർത്ത/Kerala/
Temple അമ്പലത്തിൽ വെച്ച് അജ്ഞാത നല്‍കിയ വളകള്‍ വിറ്റ് മാല വാങ്ങി; നടയിൽ വന്ന് ധരിക്കും
