4500 കോടി ഇ-മൊബിലിറ്റി പദ്ധതി | ഏതെങ്കിലും കമ്പനിക്ക് കരാര്‍ കൊടുക്കണമെന്ന് മുഖ്യമന്ത്രി പറഞ്ഞിട്ടില്ല: മന്ത്രി എ.കെ ശശീന്ദ്രന്‍

ഡിപിആര്‍ തയ്യാറാക്കുന്നതിന് അപ്പുറത്തേക്ക് കരാറിലേക്ക് കാര്യങ്ങൾ എത്തിയിട്ടില്ലെന്നാണ് തന്‍റെ ബോധ്യമെന്നും മന്ത്രി കോഴിക്കോട് പറഞ്ഞു. മുഖ്യമന്ത്രി വിളിച്ച് യോഗത്തിൽ പങ്കെടുത്തോയെന്ന ചോദ്യത്തിനും മന്ത്രി മറുപടി പറഞ്ഞില്ല.

ഗതാഗതവകുപ്പാണ് ഉത്തരവിറക്കിയത്, വകുപ്പ് മന്ത്രി അറിഞ്ഞിട്ടാണോയെന്ന രമേശ് ചെന്നിത്തലയുടെ ചോദ്യത്തില്‍ പ്രസക്തിയില്ല. മൂവായിരം ബസുകള്‍ വാങ്ങാന്‍ മന്ത്രിസഭായോഗത്തില്‍ തീരുമാനിച്ചിട്ടില്ലെന്നും എ.കെ ശശീന്ദ്രന്‍ പറഞ്ഞു. കോവിഡ് കാലത്ത് ഗതാഗതവകുപ്പ് ആരുമായും കരാറില്‍ ഏര്‍പ്പെട്ടിട്ടില്ലെന്നും കൂടുതല്‍ കാര്യങ്ങള്‍ ഫയലുകള്‍ പരിശോധിച്ച ശേഷം പറയാമെന്നും മന്ത്രി പറഞ്ഞു.