'വർ​ഗീയ പരാമർശം ഒഴിവാക്കണം; സമൂഹത്തെ വർ​ഗീയമായി വേർതിരിക്കാൻ നോക്കരുത്': മന്ത്രി കെ. കൃഷ്ണൻകുട്ടി

ശ്രീ നാരായണ​ ​ഗുരു പറഞ്ഞത് എല്ലാ ജനവിഭാ​ഗങ്ങളെയും ഒന്നിപ്പിക്കാനാണ് വെള്ളാപ്പള്ളി അത് തുടരാനാണ് ശ്രമിക്കേണ്ടത്. എൽഡിഎഫ് സാധാരണ ജനങ്ങളുടെ പ്രശ്നങ്ങൾ ഉയർത്തിക്കൊണ്ടുവരികയാണ്. അതിൽ ഹിന്ദുവുണ്ട് മുസ്ലിമുണ്ട് ക്രിസ്ത്യാനികളുണ്ടെന്നും മന്ത്രി പറഞ്ഞു.

എല്ലാമത വിഭാഗങ്ങളിലും പ്രയാസം നേരിടുന്നവരുണ്ടെന്നും , ഇതിനെ വർഗീയമായി ചിത്രീകരിക്കുന്നത് ശരിയല്ലെന്നും മന്ത്രി കെ . കൃഷ്‌ണൻ കുട്ടി പറഞ്ഞു.

നിരന്തരം വർഗീയത പറയുന്ന വെള്ളാപ്പള്ളിയുടെ നിലപാടിൽ മന്ത്രി കെ കൃഷ്ണൻകുട്ടിക്കും , ജെ ഡി എസിനും കടുത്ത അതൃപ്ത്തിയുണ്ട്. എൽ. ഡി. എഫിന് വർഗീയതക്ക് എതിരെ ശക്തമായ നിലപാട് ഉണ്ടെന്നും , സാന്ദർഭികമായാണ് വെള്ളാപ്പള്ളിയെ മുഖ്യമന്ത്രി പുകഴ്ത്തിയതെന്നും കെ കൃഷ്ണൻകുട്ടി കൂട്ടിച്ചേർത്തു.