കണ്ണൂരില്‍ മൂന്ന് വയസുകാരനുമായി അമ്മ പുഴയിൽ ചാടി: യുവതി മരിച്ചു; കുഞ്ഞിനായി തിരച്ചില്‍

കണ്ണൂര്‍: മൂന്നുവയസ്സുകാരനായ മകനുമായി പുഴയിൽ ചാടിയ യുവതി മരിച്ചു. വേങ്ങര സ്വദേശി എം.വി റീമയാണ് മരിച്ചത് . കുഞ്ഞിനായി അഗ്നിരക്ഷാ സേന തിരച്ചിൽ തുടരുകയാണെന്ന് പോലീസ് അറിയിച്ചു. കഴിഞ്ഞ ദിവസം രാത്രി 12.45 ഓടെയാണ് വെങ്ങര ചെമ്പല്ലിക്കുണ്ട് പാലത്തിനു മുകളിൽ നിന്നും മകനൊപ്പം റീമ പുഴയിലേക്ക് ചാടിയത്. പോലീസ് രാത്രി തന്നെ തിരച്ചിൽ ആരംഭിച്ചെങ്കിലും ഇരുവരെയും കണ്ടെത്താൻ കഴിഞ്ഞിരുന്നില്ല. ഇന്ന് രാവിലെ വീണ്ടും തിരച്ചിൽ നടത്തിയപ്പോഴാണ് റീമയുടെ മൃതദേഹം കണ്ടെത്തിയത്.