മത്സരിക്കാൻ ആളില്ലാത്തതിനാൽ അനുവദിച്ച രണ്ട് വാർഡുകൾ കോൺഗ്രസിന് തിരിച്ചു നൽകി മുസ്ലിം ലീഗിൻ്റെ മാതൃക

ഈ രണ്ട് വാർഡുകളും സിപിഎമ്മിന്റെ ശക്തി കേന്ദ്രങ്ങൾ കൂടിയാണ്. അതിനാലാണ് മുസ്ലീം ലീ​ഗിന് മത്സരിക്കാൻ ആളുകൾ ഇല്ലാത്തതെന്നാണ് സൂചന. ഈ രണ്ട് വാർഡുകളിലേക്കും കോൺ​ഗ്രസിന് സ്ഥാനാർത്ഥികളെ കണ്ടെത്തണം. സ്ഥാനാർത്ഥി നിർണയ സമയത്തും കോൺ​ഗ്രസും മുസ്ലീം ലീ​ഗും തമ്മിൽ വാക്ക് പോരുകളുണ്ടായിരുന്നു.

കോഴിക്കോട് കോർപറേഷനിൽ സീറ്റുവിഭജനം നടക്കുന്ന വേളയിൽ കോൺ​ഗ്രസുമായി ചേർന്ന് ഏറെ ചർച്ചകൾ ഉണ്ടായതിന് ശേഷമാണ് മുസ്ലീം ലീ​ഗ് രണ്ട് സീറ്റ് അധികം വാങ്ങിയത്. 26 സീറ്റുകളിൽ മത്സരിക്കുമെന്നാണ് മുസ്ലീം ലീ​ഗ് അറിയിച്ചിരുന്നത്. എന്നാൽ, രണ്ടിടങ്ങളിൽ മത്സരിക്കാൻ ആളില്ലാത്ത സാഹചര്യമാണ് ഉണ്ടായിരിക്കുന്നത്. വേറെ ആളുകളെ സ്ഥാനാർത്ഥിയായി പ്രഖ്യാപിക്കാന്‌ ശ്രമിച്ചെങ്കിലും അതിനും സാധിച്ചില്ല. തുടർന്നാണ്, രണ്ട് വാർഡുകൾ തിരികെ നൽകിയത്.

ഇന്നലെ രാത്രിയോടെയാണ് മുസ്ലീം ലീ​ഗ് രണ്ടു വാർഡുകൾ തിരികെ നൽകിയത്. ഇന്ന് കോൺ​ഗ്രസ് രണ്ട് വാർഡുകളിലേക്കും സ്ഥാനാർത്ഥികളെ പ്രഖ്യാപിക്കുമെന്നാണ് അറിയിച്ചിരുന്നത്.