ഇത്തവണ ഓണക്കിറ്റ് എല്ലാവർക്കുമുണ്ടാകില്ല; ആർക്കൊക്കെ വേണമെന്ന് തീരുമാനമായില്ലെന്ന് ധനമന്ത്രി

പ്ലൈകോയിലെ പ്രതിസന്ധി പരിഹരിക്കാൻ ഈ ആഴ്ച പണം അനുവദിക്കുമെന്നും മന്ത്രി പറഞ്ഞു. നെല്ലെടുത്ത വകയിലെ പണം കേന്ദ്രം റിഇംപേഴ്സ് ചെയ്യാനുണ്ടെന്നും മന്ത്രി അറിയിച്ചു.

ഓണക്കാലത്ത് സാധാരണക്കാരന് കൈത്താങ്ങാവേണ്ട സപ്ലൈകോ വൻ പ്രതിസന്ധിയിലാണ്. മുൻകാലങ്ങളിൽ വാങ്ങിയ സാധനങ്ങൾക്ക് പണം നൽകാൻ കഴിയാത്തതുമൂലം ഓണവിപണിയിൽ എങ്ങനെ ഇടപെടുമെന്നതാണ് സപ്ലൈകോയെ കുഴക്കുന്നത്. നെല്ല് സംഭരിച്ച ഇനത്തിൽ കർഷകർക്ക് നൽകാനുള്ളതും ലക്ഷങ്ങളുടെ കുടിശികയാണ്. കടമെടുത്ത് സാമ്പത്തിക പ്രതിസന്ധി പരിഹരിക്കാൻ ശ്രമിച്ചെങ്കിലും ബാങ്ക് കൺസോഷ്യം വായ്പ നൽകാൻ തയ്യാറായിട്ടില്ല.

Also Read- ഇത്തവണ ഓണം ബമ്പറിൽ സമ്മാനത്തുക 125 കോടി 54 ലക്ഷം രൂപ; കഴിഞ്ഞ വർഷത്തെ റെക്കോർഡ് മറികടക്കുമോ?

സപ്ലൈകോ അടച്ചു പൂട്ടൽ ഭീഷണിയിലെന്നും ഓണത്തിന് സാധനങ്ങൾക്ക് തീവിലയാകുമെന്നും വിഡി സതീശൻ തിരുവനന്തപുരത്ത് പ്രതികരിച്ചു.