കോഴിക്കോട് അമ്മയോടൊപ്പം ഉറങ്ങിക്കിടന്ന ഒന്നര മാസം പ്രായമുള്ള കുഞ്ഞ് മരിച്ച നിലയില്
Last Updated:
ഇന്ന് രാവിലെ 9.30ഓടെ റിയാസിന്റെ മൂത്ത മകള് കുഞ്ഞിന് സമീപം എത്തിയപ്പോഴാണ് മരിച്ച നിലയില് കണ്ടെത്തിയത്
കോഴിക്കോട്: കുറ്റ്യാടി കക്കട്ടില് അമ്മയോടൊപ്പം ഉറങ്ങിക്കിടന്ന ഒന്നര മാസം പ്രായമുള്ള കുഞ്ഞ് മരിച്ച നിലയില്. അരൂര് ഒതയോത്ത് സ്വദേശി റിയാസിന്റെ മകള് നൂറ ഫാത്തിമ (47 ദിവസം) ആണ് മരിച്ചത്. കക്കട്ടില് പൊയോല്മുക്ക് സ്വദേശിയായ അമ്മയുടെ വീട്ടില്വച്ചാണ് സംഭവം നടന്നത്. സംഭവത്തിൽ റിയാസിന്റെ പരാതിയില് കുറ്റ്യാടി പൊലീസ് കേസെടുത്തിട്ടുണ്ട്. ഇന്ന് രാവിലെ 9.30ഓടെ റിയാസിന്റെ മൂത്ത മകള് കുഞ്ഞിന് സമീപം എത്തിയപ്പോഴാണ് മരിച്ച നിലയില് കണ്ടെത്തിയത്.
ഈ സമയം കുഞ്ഞിന്റെ ഉമ്മ സമീപത്ത് ഉറങ്ങിക്കിടക്കുകയായിരുന്നു. ഉടന് തന്നെ സമീപത്തെ ആശുപത്രിയില് എത്തിച്ചെങ്കിലും നേരത്തേ മരണം സംഭവിച്ചതായി ഡോക്ടര്മാര് അറിയിച്ചു. സംഭവത്തെക്കുറിച്ച് വ്യക്തമായ വിവരമില്ലെന്നും, ഇന്നലെ രാത്രി നിര്ത്താതെ കരഞ്ഞ കുഞ്ഞ് പുലര്ച്ചെ 2 മണി വരെ പാല് കുടിച്ചിരുന്നതായുമാണ് ബന്ധുക്കൾ വിശദമാക്കുന്നത്. രാത്രി ഉറക്കം ലഭിക്കാഞ്ഞതിനാല് അമ്മ രാവിലെ ഉറങ്ങിപ്പോയതാണെന്നും ബന്ധുക്കള് പറയുന്നു.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kozhikode,Kerala
First Published :
Apr 21, 2025 9:13 PM IST
മലയാളം വാർത്തകൾ/ വാർത്ത/Kerala/
കോഴിക്കോട് അമ്മയോടൊപ്പം ഉറങ്ങിക്കിടന്ന ഒന്നര മാസം പ്രായമുള്ള കുഞ്ഞ് മരിച്ച നിലയില്
