കൊച്ചിയിലെ ഗതാഗതക്കുരുക്ക്: PWDക്ക് ഉത്തരവാദിത്വമില്ലെന്ന് മന്ത്രി സുധാകരൻ

ഗതാഗത കുരുക്ക് പരിഹരിക്കേണ്ടത് ജില്ലാ ഭരണകൂടവും പൊലീസും ചേര്‍ന്നാണെന്ന് ജി.സുധാകരന്‍ പറഞ്ഞു. ഇതില്‍ പി ഡബ്ല്യു ഡിയെ കുറ്റപ്പെടുത്തിയിട്ട് കാര്യമില്ല. തകര്‍ന്ന റോഡുകള്‍ ദേശീയ പാത അതോറിറ്റിയുടേതാണ്. കൊച്ചിയില്‍ 45 റോഡുകള്‍ പൊട്ടിപ്പൊളിഞ്ഞിട്ടില്ല. ഈ റോഡുകളുടെ ചില ഭാഗങ്ങളില്‍ മാത്രമാണ് പ്രശ്‌നങ്ങളുള്ളത്. റോഡുകളുടെ അറ്റകുറ്റപ്പണിക്കായി ഏഴുകോടി രൂപ അനുവദിച്ചിട്ടുണ്ട്. പി ഡബ്ല്യു ഡി യുടെ നേതൃത്വത്തില്‍ നടക്കുന്ന കുണ്ടന്നൂര്‍ മേല്‍പ്പാലത്തിന്റെ നിര്‍മ്മാണ പ്രവര്‍ത്തനങ്ങള്‍ അടുത്ത മാര്‍ച്ചോടെ പൂര്‍ത്തിയാക്കുമെന്നും മന്ത്രി അറിയിച്ചു.