കേരളതീരത്ത് ശക്തമായ കടൽക്ഷോഭത്തിന് സാധ്യതയെന്ന് മുന്നറിയിപ്പ്
Last Updated:
തിരുവനന്തപുരം: കേരള തീരത്ത് ശക്തമായ കടല്ക്ഷോഭത്തിന് സാധ്യതയെന്ന് മുന്നറിയിപ്പ്. സംസ്ഥാന ദുരന്തനിവാരണ അതോറിറ്റിയാണ് മുന്നറിയിപ്പ് നല്കിയത്. ശക്തമായ തിരമാലകള് ഉണ്ടാകാനുള്ള സാധ്യതയാണ് മുന്നറിയിപ്പില് പറയുന്നത്.
തിരുവനന്തപുരം, കൊല്ലം, ആലപ്പുഴ, കൊച്ചി, പൊന്നാനി, കോഴിക്കോട്, കണ്ണൂര്, കാസർകോട് എന്നീ തീരപ്രദേശങ്ങളില് വേലിയേറ്റ സമയങ്ങളില് ശക്തമായ തിരമാലകള് ഉണ്ടാകാന് സാധ്യതയുണ്ട്. കള്ളക്കടല് പ്രതിഭാസത്തിന്റെയും സ്പ്രിങ് ടൈഡിന്റെയും സംയുക്ത ഫലമാണിത്.
വേലിയേറ്റ സമയത്തു തിരമാലകള് തീരത്തു ശക്തി പ്രാപിക്കുവാനും ശക്തമായി അടിച്ചുകയറുവാനും സാധ്യതയുണ്ട്. ഈ സാഹചര്യത്തില് മീന്പിടിത്തക്കാരും തീരദേശവാസികളും മുന്നറിയിപ്പുകള് പരിഗണിച്ചു പ്രവര്ത്തിക്കണമെന്നും ഉത്തരവില് പറയുന്നു. തീരത്തു ഈ പ്രതിഭാസം കൂടുതല് ശക്തി പ്രാപിക്കുവാന് സാധ്യത ഉള്ളതിനാല് തീരത്തിനോട് ചേര്ന്ന് മീന്പിടിക്കുന്നവര് കൂടുതല് ശ്രദ്ധ പാലിക്കേണ്ടതാണ്.
advertisement
ബോട്ടുകള് കൂട്ടിമുട്ടി നാശം സംഭവിക്കാതിരിക്കുവാന് നങ്കൂരമിടുമ്പോള് അവ തമ്മില് അകലം പാലിക്കണം. വിനോദ സഞ്ചാരികള് തീരപ്രദേശ വിനോദ സഞ്ചാരം ഒഴിവാക്കണം. ബോട്ടുകളും വള്ളങ്ങളും തീരത്തു നിന്ന് കടലിലേയ്ക്കും കടലില് നിന്ന് തീരത്തിലേയ്ക്കും കൊണ്ടുപോകുന്നതും വരുന്നതും ഒഴിവാക്കണമെന്നും മുന്നറിയിപ്പില് പറയുന്നു.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
September 26, 2018 11:09 PM IST
