മുഖ്യമന്ത്രിയുടെ ദുരിതാശ്വാസ നിധിയിലേക്ക് കൊല്ലപ്പെട്ട ലാറ്റ്‌വിയൻ വിനോദസഞ്ചാരിയുടെ സഹോദരിയുടെ സംഭാവന

തന്റെ പ്രാർത്ഥനയിലും ചിന്തയിലും കേരളീയർ ഉണ്ടെന്ന് പറയുകയാണ് ഇവർ. ഈ ദുഃഖത്തിൽ നിന്നും കരകയറാൻ ആവട്ടെ എന്നും, താൻ കടലിനക്കരെ നിന്നും എല്ലാവരെയും കാണാൻ വരുന്നുണ്ടെന്നും ഇവർ വ്യക്തമാക്കുന്നു.

ലാറ്റ് വിയൻ യുവതിയുടെ സഹോദരിയുടെ ആ നന്മമനസ്സിനു കേരളത്തിന്റെ മുഖ്യമന്ത്രി നന്ദി പറഞ്ഞു. കേരളത്തിൽ കൊല്ലപ്പെട്ട ലാറ്റ്‌വിയൻ സ്വദേശിയുടെ സഹോദരിയാണ് അവർ. ഈ വിഷമസന്ധിയിൽ, ലോകത്തെമ്പാടും ഉള്ള പലരുടെയും ചിന്തയിൽ കേരളം ഉണ്ടെന്നറിയുന്നതിൽ സന്തോഷം. മുഖ്യമന്ത്രിയുടെ ദുരിതാശ്വാസ നിധിയിലേക്ക് ഒരു സംഭാവന അവർ നൽകിയിട്ടുണ്ടെന്നും മുഖ്യമന്ത്രി ട്വിറ്റർ സന്ദേശത്തിൽ കുറിച്ചു.