'കൂടെയുണ്ടാകും, പരാതി കൊടുക്കാൻ സഹായം ആവശ്യമുണ്ടെങ്കിൽ അറിയിക്കണം'; രാഗ രഞ്ജിനിയുടെ ആരോപണത്തിൽ സൗമ്യ സരിന്റെ പ്രതികരണം

കോഴിക്കോട്: ഇടത് സഹയാത്രികനായ പി സരിനെതിരെ ആരോപണമുന്നയിച്ച രാഗ രഞ്ജിനിക്ക് മറുപടിയുമായി സരിന്റെ ഭാര്യ ഡോ. സൗമ്യ. ഇങ്ങനെയൊരു അനുഭവം ഉണ്ടായിട്ട് ഇത്രകാലം മിണ്ടാതിരുന്നത് മോശമായിപ്പോയെന്ന് സൗമ്യ ഫേസ്ബുക്കിൽ കുറിച്ചു. സരിൻ പാർട്ടി മാറിയ സമയത്തെങ്കിലും ഇത് പറയേണ്ടതായിരുന്നു. അതായിരുന്നു പെർഫക്ട് ടൈമിങ്. അതിന് ശേഷം താങ്കളുടെ പാർട്ടിയിലെ നേതാവിനെതിരെ വളരെ മോശപ്പെട്ട ലൈംഗിക ആരോപണം വന്നപ്പോഴെങ്കിലും സരിന്റെ യഥാർത്ഥ മുഖം തുറന്നുകാണിക്കാമായിരുന്നു. അതൊന്നും ചെയ്യാതെ തന്റെ പേജിൽ സ്ഥിരമായി തോന്നിവാസം പറയുന്നവർക്ക് മറുപടിയായി ഒരു പോസ്റ്റ് ഇട്ടപ്പോഴാണോ ഇത് തുറന്നുപറയാൻ തോന്നിതയെന്ന് സൗമ്യ ചോദിച്ചു.