സംസ്ഥാന സിബിഎസ്ഇ കലോത്സവം; മലബാർ സഹോദയ്ക്ക് കിരീടം

കോട്ടയം: സംസ്ഥാന സിബിഎസ്ഇ കലോത്സവത്തിൽ മലബാർ സഹോദയയും കോഴിക്കോട് സിൽവർ ഹിൽസ് പബ്ലിക്ക് സ്‌കൂളും ചാമ്പ്യന്മാർ. വിവിധ ഇനങ്ങളിലായി 1635 പോയിന്റുമായാണ് മലബാർ സഹോദയ ഒന്നാം സ്ഥാനത്ത് എത്തിയത്. ആദ്യം മുതൽ കടുത്ത പോരാട്ടം നടത്തി 1612 പോയിൻ്റ് നേടിയ തൃശൂർ സഹോദയയെ പിന്നിലാക്കിയാണ് മലബാർ വിജയം നേടിയത്. 1563 പോയിന്റ് നേടിയ തൃശൂർ സെൻട്രൽ സഹോദയ ആണ് മൂന്നാം സ്ഥാനത്ത് എത്തിയത്. 1554 പോയിൻ്റുമായി കൊച്ചി സഹോദയ നാലാം സ്ഥാനത്തും , 1538 പോയിൻ്റുമായി കൊച്ചി മെട്രോ സഹോദയ അഞ്ചാം സ്ഥാനത്തും എത്തി.