Swapna Suresh | സ്വപ്ന സുരേഷിന് സന്നദ്ധ സംഘടനയിൽ നിയമനം; സി എസ് ആർ ഫണ്ട് ശേഖരിക്കൽ ചുമതല
- Published by:Anuraj GR
- news18-malayalam
Last Updated:
പ്രതിമാസം 43,000 രൂപ ശബളത്തിലാണ് നിയമനം. കോർപ്പറേറ്റ് കമ്പനികളിൽ നിന്ന് വിവിധ പദ്ധതികൾക്കായി കോർപ്പറേറ്റ് സോഷ്യൽ റെസ്പോൻസിബിലിറ്റി ഫണ്ട് കണ്ടെത്തി നൽകുകയാണ് മുഖ്യ ചുമതല
പാലക്കാട്: സ്വർണ്ണക്കടത്ത് കേസ് (Gold Smuggling case) പ്രതി സ്വപ്ന സുരേഷിന് (Swapna Suresh) പാലക്കാട് (Palakkad) ആസ്ഥാനമായി പ്രവർത്തിയ്ക്കുന്ന എൻജിഒ യിൽ നിയമനം. ആദിവാസി മേഖലകളിൽ സാമൂഹ്യ പ്രവർത്തനം നടത്തുന്ന എച്ച് ആര്‍ ഡി എസ് എന്ന എന്‍.ജി.ഒയില്‍ ഡയറക്ടടറായാണ് നിയമനം. സി എസ് ആർ ഫണ്ടുമായി ബന്ധപ്പെട്ട പ്രവർത്തനമാകും ചുമതല. ഫെബ്രുവരി 11നാണ് സ്വപ്ന സുരേഷിന് പാലക്കാട് ആസ്ഥാനമായി പ്രവർത്തിക്കുന്ന HRDS എന്ന എൻ ജി ഒ യിൽ സി എസ് ആർ ഡയറക്ടറായി നിയമന ഉത്തരവ് നൽകിയത്. പ്രതിമാസം 43,000 രൂപ ശബളത്തിലാണ് നിയമനം. കോർപ്പറേറ്റ് കമ്പനികളിൽ നിന്ന് വിവിധ പദ്ധതികൾക്കായി കോർപ്പറേറ്റ് സോഷ്യൽ റെസ്പോൻസിബിലിറ്റി ഫണ്ട് കണ്ടെത്തി നൽകുക, വിദേശ സഹായം ലഭ്യമാക്കാൻ പ്രവർത്തിക്കുക എന്നിവയാണ് ചുമതല.
ആദിവാസി വിഭാഗത്തിൽപ്പെട്ടവർക്ക് വീട് നിർമ്മിച്ചു നൽകുന്ന സദ്ഗൃഹ എന്ന പദ്ധതിയിലേയ്ക്കാണ് ഫണ്ട് ലഭ്യമാക്കേണ്ടത്. ജാമ്യത്തിലിറങ്ങിയ ശേഷം തനിക്ക് ആരും ജോലി നൽകുന്നില്ലെന്നും കടുത്ത പ്രതിസന്ധിയിലാണെന്നും സ്വപ്ന വ്യക്തമാക്കിയിരുന്നു. സ്വർണക്കടത്ത് കേസിൽ പ്രതിയാണെങ്കിലും കുറ്റക്കാരിയായി കോടതി വിധിച്ചിട്ടില്ലെന്ന് HRDS സെക്രട്ടറി അജി കൃഷ്ണ പറഞ്ഞു. സ്വർണക്കടത്ത് കേസിൽ മറ്റൊരു പ്രതിയ ശിവശങ്കർ ജോലിയിൽ പ്രവേശിച്ചിട്ടും സ്വപ്നയെ സർക്കാർ ഒഴിവാക്കിയെന്നും അജി കൃഷ്ണ പ്രതികരിച്ചു,
advertisement
ഫെബ്രുവരി 12ന് ജോലിയില്‍ പ്രവേശിക്കണമെന്നാണ് നിയമന ഉത്തരവിൽ പറഞ്ഞിരുന്നത്. എന്നാൽ സ്വപ്നയുടെ വെളിപ്പെടുത്തലിൻ്റെ അടിസ്ഥാനത്തിൽ ഇ ഡി ചോദ്യം ചെയ്യാൻ തീരുമാനിച്ചിരുന്നു. ചോദ്യം ചെയ്യൽ കഴിഞ്ഞ് ജോലിയിൽ പ്രവേശിയ്ക്കാക്കാമെന്ന സ്വപ്നയുടെ അഭ്യർത്ഥന സ്ഥാപനം അംഗീകരിക്കുകയായിരുന്നു.
Summary- Swapna Suresh, accused in gold smuggling case, has been posted to a Palakkad-based NGO. She has been appointed as the Director of HRDS, an NGO working in the tribal areas. The task will be related to the CSR Fund. On February 11, Swapna Suresh was appointed as the CSR Director of HRDS, a Palakkad - based NGO. The appointment is on a salary of Rs 43,000 per month. The task is to find and provide corporate social responsibility funds for various projects from corporate companies and to work to obtain foreign assistance.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
February 17, 2022 9:13 PM IST
മലയാളം വാർത്തകൾ/ വാർത്ത/Kerala/
Swapna Suresh | സ്വപ്ന സുരേഷിന് സന്നദ്ധ സംഘടനയിൽ നിയമനം; സി എസ് ആർ ഫണ്ട് ശേഖരിക്കൽ ചുമതല
