HOME » NEWS » Kerala » THE GOVERNMENT HAS ONLY TWO OPTIONS BEFORE IT IN WITHDRAWING THE POLICE ACT AMENDMENT SIGNED BY GOVERNOR

Kerala Police Amendment Act | ഗവർണർ ഒപ്പുവച്ച ഓർഡിനൻസ് എങ്ങനെ പിൻവലിക്കും? സർക്കാരിന് മുന്നിലുള്ളത് രണ്ടു മാർഗങ്ങൾ

നിയമസഭാ സമ്മേളനം ആരംഭിച്ച് ആറ് ആഴ്ചയ്ക്കുള്ളിൽ ഓർഡിനൻസിന് അംഗീകാരം നൽകണം. അല്ലാത്ത പക്ഷം ഓർഡിനൻസ് അസാധുവാകും.

News18 Malayalam | news18-malayalam
Updated: November 24, 2020, 5:01 PM IST
Kerala Police Amendment Act | ഗവർണർ ഒപ്പുവച്ച ഓർഡിനൻസ് എങ്ങനെ പിൻവലിക്കും? സർക്കാരിന് മുന്നിലുള്ളത് രണ്ടു മാർഗങ്ങൾ
News18 Malayalam
  • Share this:
തിരുവനന്തപുരം: കരിനിയമം എന്ന ആക്ഷേപവും പ്രതിഷേധവും ശക്തമായതിനു പിന്നാലെ കേരള പൊലീസ് ആക്ട് ഭേദഗതി നടപ്പാക്കില്ലെന്ന് മുഖ്യമന്ത്രി പ്രഖ്യാപിച്ചു. എന്നാൽ മന്ത്രിസഭയുടെ ശിപാർശയിൽ ഗവർണർ ഒപ്പു വച്ച ഒരു ഓർഡിനൻസ് റദ്ദാക്കാൻ രണ്ടു മാർഗങ്ങളാണ് ഇനി സർക്കാരിന് മുന്നിലുള്ളതെന്ന് നിയമ വിദഗ്ധർ ചൂണ്ടിക്കാട്ടുന്നു.

നിയമസഭ ചേരാത്ത സാഹാചര്യങ്ങളിലും നിയമ നിർമ്മാണം നടത്താനാണ് സർക്കാർ ഓർഡിനൻസ് ഇറക്കുന്നത്. ഭരണഘടനയുടെ 213 ാം വകുപ്പാണ് ഇതിനുള്ള അധികാരം സർക്കാരിന് നൽകുന്നത്. ഇതനുസരിച്ച് മന്ത്രിസഭയുടെ ശിപാർശ പ്രകാരമാണ് ഗവർണർ ഓർഡനൻസ് പുറപ്പെടുവിക്കുന്നത്. ഈ ഓർഡിനൻസ് തൊട്ടടുത്ത നിയമസഭാ സമ്മേളനം ആരംഭിച്ച് ആറ് ആഴ്ചയ്ക്കുള്ളിൽ ഓർഡിനൻസിന് അംഗീകാരം നൽകണം. അല്ലാത്ത പക്ഷം ഓർഡിനൻസ് അസാധുവാകും.

Also Read സർക്കാർ പിന്മാറി; പൊലീസ് നിയമ ഭേദഗതി 118എ ആക്ട് നടപ്പാക്കില്ലെന്ന് മുഖ്യമന്ത്രി

ഗവർണർ ഒപ്പു വച്ച ഓർഡിനൻ‌സ് റദ്ദാക്കണമെന്ന പ്രമേയം നിയമസഭയിലാണ് അവതരിപ്പിക്കേണ്ടത്. മുഖ്യമന്ത്രിയോ മുഖ്യമന്ത്രി നിശ്ചയിക്കുന്ന അംഗങ്ങൾക്കോ പ്രമേയം അവതരിപ്പിക്കാം. ഇതു പാസായാൽ ഓർഡിനൻസ് ഇല്ലാതാകും. മന്ത്രിസഭാ ശിപാർശയിൽ ഓർഡിനൻസ് റദ്ദാക്കണമെന്ന പ്രമേയം ഗവർണർക്ക് നൽകിയും ഓർഡിനൻസ് റദ്ദാക്കാം. ഈ രണ്ടു വഴികളാണ് ഓർഡിനൻസ് പിൻവലിക്കാൻ സർക്കാരിന് മുന്നിലുള്ളത്.
Published by: Aneesh Anirudhan
First published: November 23, 2020, 3:21 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories