കേരള കോണ്‍ഗ്രസ്: അരനൂറ്റാണ്ട് മത്സരിച്ച് പിളർന്നു വളർന്ന കേരളത്തിന്റെ സ്വന്തം പാര്‍ട്ടി

തിരുവനന്തപുരം: പിളര്‍പ്പും ലയനവുമൊന്നും കേരള കോണ്‍ഗ്രസില്‍ പുത്തരിയല്ല. 'വളരുന്തോറും പിളരും, പിളരും തോറും വളരും' ഇങ്ങനെയാണ് കേരള കോണ്‍ഗ്രസ് നേതാക്കളും പിളര്‍പ്പിനെ ന്യായീകരിക്കാറുള്ളത്. അതുകൊണ്ടു തന്നെ കേരള കോണ്‍ഗ്രസുകള്‍ക്ക് പാര്‍ട്ടി ഭരണഘടനയും പാര്‍ട്ടി ലീഡറും പോലെ പരമപ്രധാനമാണ് പിളര്‍പ്പും. 1964 ഒക്ടോബര്‍ 9 ന് കേരള കോണ്‍ഗ്രസ് രൂപീകരിച്ച് 2019-ല്‍ എത്തുമ്പോള്‍ 11 തവണയാണ് പാര്‍ട്ടി പിളര്‍ന്നത്.