തിരുവല്ല ബിലീവേഴ്‌സ് മെഡിക്കൽ കോളേജിന് 10 കോടിയോളം വൈദ്യുതി കുടിശിക; KSEB അധികൃതരുമായി ഒത്തുകളിയെന്ന് ആരോപണം

ഇങ്ങനെ താരിഫ് രേഖപ്പെടുത്തിയതിലെ പിഴവുമൂലം ഒമ്പത് കോടി തൊണ്ണൂറു ലക്ഷത്തി എഴുപത്തിനാലായിരത്തി നാനൂറ്റി നാൽപത്തിയഞ്ച് രൂപയുടെ കുറവ് കണ്ടെത്തിയതിനാൽ ആണ് അധിക ബിൽ കൈമാറിയത്. പട്ടം വൈദ്യുതി ഭവനിലെ സ്പെഷ്യൽ ഓഫീസർ- റവന്യൂ തയ്യാറാക്കിയ ഷോർട്ട് അസ്സസ് മെൻറ് ബില്ലാണ് ബിലിവേഴ്സ് ആശുപത്രിക്ക് നൽകിയിരിക്കുന്നത് . ഏകദേശം 10കോടി രൂപയുടെ പിഴവ് എങ്ങനെ വന്നു എന്നതാണ് വിവാദമാകുന്നത്. കുറ്റക്കാർക്കെതിരെ നടപടി ഉറപ്പാക്കുമെന്ന് മന്ത്രി കെ കൃഷ്ണൻകുട്ടി പ്രതികരിച്ചു.

നിലവില്‍ ഇതുമായി ബന്ധപ്പെട്ട് ബിലീവേഴ്സ് മെഡിക്കൽ കോളേജ് മാനേജ്മെൻറ്  Consumer Grievance Redressal Forum (CGRF) -ൽ  പരാതി നൽകിയിരിക്കുകയാണ്. ഇതിന്മേൽ തീർപ്പുണ്ടാകുന്നതു വരെ ബില്ല് അടയ്ക്കുകയോ, കുടിശിക ഇനത്തിൽ ബോർഡിന് പണം നൽകുകയോ വേണ്ട എന്ന സ്ഥിതിയാണുള്ളത്.