പേച്ചിപ്പാറ ഡാം: പശ്ചിമഘട്ട സൗന്ദര്യവും പഴമയുടെ ദൃശ്യഭംഗിയുമായി കോട്ടൈ നദിക്ക് കുറുകെയുള്ള മനോഹരമായ ജലസംഭരണി

തിരുവനന്തപുരം ജില്ലയിൽ നിന്ന് മറ്റൊരു സംസ്ഥാനത്തേക്ക് വിനോദ യാത്ര ചെയ്യണമെന്ന് ആഗ്രഹിക്കുന്നവർക്കുള്ള ഫസ്റ്റ് ഓപ്ഷൻ ആണ് തമിഴ്നാട്. തിരുവനന്തപുരത്തിനോട് തൊട്ടടുത്തുള്ള അയൽ സംസ്ഥാനം. തിരുവനന്തപുരത്തുകാരുടെ തമിഴ്നാട് യാത്ര ഒരുപക്ഷേ കന്യാകുമാരിയിലാകും അവസാനിക്കുക. പതിവ് കന്യാകുമാരി യാത്രയിൽ സന്ദർശിക്കാൻ പറ്റിയ കിടിലൻ ഒരു ടൂറിസം സ്പോട്ടാണ് പേച്ചിപ്പാറ ഡാം. തിരുവനന്തപുരം ജില്ലയിൽ നിന്ന് വെറും 55 കിലോമീറ്റർ മാത്രം അകലെയാണ് ഈ ഡാം ഉള്ളത്. പശ്ചിമഘട്ട മലനിരകളുടെ സൗന്ദര്യം ആസ്വദിക്കാൻ ഇതിലും മനോഹരമായ മറ്റൊരു ഇടമില്ലെന്ന് ഇവിടേക്ക് യാത്ര ചെയ്തവർ സാക്ഷ്യപ്പെടുത്തുന്നു.